Sonic Youth tónleikar í gær

Við Hugi skelltum okkur á tónleika með Sonic Youth í Columbiahalle í gærkvöldi. Þetta voru frábærir tónleikar. Þau spiluðu nýju plötuna "Daydream Nation" eins og hún lagði sig og töku svo nokkur aukalög í lokin. Þvílíkur hávaði og stuð. Ekki beint verið að hlífa gíturunum. Ég sá Sonic Youth á tónleikum í New York fyrir tæpum 15 árum í skólaferðalagi MHÍ. Það var frábært og gott að rifja upp fjörið í gærkvöldi. Áhorfendur gáfust ekki upp á að klappa þau upp og seinna uppklappið stóð í hálftíma. Það margborgaði sig.

Ég efast um að "Daydream Nation" fari á íslenska vinsældarlistann enda ekki beint um vinsældarpopp að ræða, en samt aldrei að vita. Þau verða að túra út árið og spila í Marfa, Texas þann 6. október 2007. Ég reikna ekki með að Bush mæti þó að það sé ekki svo langt fyrir hann að fara af búgarðinum sínum.

Sprengjuregn og dansandi Bítlar

Athugasemdir

[Bjarni Már Magnússon, 28.6.2007 kl. 14:32]

Kverúlantaathugasemd: Daydream Nation er hundgömul plata. Sonic Youth var að gefa út deluxe útgáfu af henni. Rosaleg skífa.

[Hlynur Hallsson, 28.6.2007 kl. 16:34]

Takk fyrir þessa hárréttu nákvæmnisathugasemd Bjarni. Bestu kveðjur,

[Steinunn Helga Sigurðardóttir, 29.6.2007 kl. 06:36]

kæri hlynur smá kveðja til þín og þinna í henni berlín !

Gleðilegt sumar, megir þú og þið eiga fallegasta og besta sumarið !

Ljós til þín

Steina

[Georg P Sveinbjörnsson, 29.6.2007 kl. 14:44]

Sonic Youth er ansi magnað band og ég er enn hálf miður mín að hafa ekki komist á tónleika þeirra hér á Skeri í fyrra af óviðráðanlegum orsökum.

[Ingólfur Ásgeir Jóhannesson, 29.6.2007 kl. 18:50]

kveðjur úr akureyrsku sólskini og fyrr í dag reykvísku ...