Sýning í Póllandi og minnismerki um gyðinga sem nasistar myrtu

Ég fer til Póllans eldsnemma í fyrramálið. Það er að opna sýning sem ég tek þátt í í Poznan. Hún heitir Asia - Europe - Mediations. Ég nenni ekki að taka tölvuna með svo ég reikna ekki með að blogga neitt næstu daga. Þeir sem vilja kynna sér þessa sýningu geta skoðað heimasíðuna hér og það er hellingur af listamönnum sem taka þátt og hér er hægt að sjá rununa. Það minnir mig á að ég þarf endilega að fara að uppfæra heimasíðuna mína og læra að gera það sjálfur.

Við fórum með vinum okkar í dag að skoða minnismerki um gyðinga sem nasistar myrtu í Evrópu á valdatíma sínum. Það var áhrifaríkt og dapurlegt en einnig mikilvægt að þetta safn er loksins komið upp hér í Berlín. Við komum einnig við í þinghúsinu og skoðuðum það vandlega. Maður drífur loksins í því að skoða eitthvað þegar vinir koma í heimsókn.

Athugasemdir

[Ragga (IP-tala skráð) 29.6.2007 kl. 22:39]

Til hamingju með opnunina á morgun :)

[Gunnar Th. Gunnarsson, 30.6.2007 kl. 05:51]

Góða ferð til Póllands, ég var þar um daginn í fyrsta sinn og land og þjóð kom mér mjög skemmtilega á óvart. Ég var m.a. í Krakow og skoðaði Auschwitz sem er þar stutt frá. Sjá færslu um þá lífsreynslu HÉR

[Ásgeir Kristinn Lárusson, 30.6.2007 kl. 09:22]

Merkileg litapæling á plakati, svona ljósgrænt og bleikt. Góða ferð.

[Marinó Már Marinósson, 30.6.2007 kl. 16:42]

Góða ferð.  Fá sér PrinsPóló og Kók.