Góðar fréttir

Það er afar ánægjulegt að húsafriðunarnefnd hafi ákveðið að friða húsin þrjú við Hafnarstræti og nú er drífa í því að gera upp Hafnarstræti 98 því hin húsin tvö Hamborg og París eru orðin glæsileg. Þetta er ekki eina góða fréttin í dag því borgarstjórn Reykjavíkur samþykkti tillögu Vinstri grænna um að unnin verði sérstök hjólreiðaáætlun fyrir Reykjavík. Nánar má lesa um þetta á heimsíðu Árna Þórs sem nú er að flytja sig yfir á Alþingi. Flott hjá Árna Þór að enda með svona góðu máli starf sitt í borgarstjórn. Síðan er skemmtilegt tilboð Samtaka hernaðarandstæðinga um að hjálpa til við að koma fyrirhugaðri Friðarstofnun á fót. Fréttin af mbl er hér. Fullt af góðum fréttum.

Húsafriðunarnefnd vill friða öll húsin þrjú

Athugasemdir

[Jórunn Sigurbergsdóttir , 19.9.2007 kl. 22:06]

Gott að húsin fá að standa.

[Jón Ingi Cæsarsson, 20.9.2007 kl. 00:49]

Vinstri grænir hljóta þá að flytja inn í hjallinn aftur. Þeir seldu sinn hluta til niðurrifs...var það ekki Hlynur?

[Hlynur Hallsson, 20.9.2007 kl. 10:22]

Ég vona að Vinstri græn flytji inn í uppgert og glæsilegt Hafnarstræti 98. Mér finnst það ekki fara þér sérstaklega vel að tala um "hjallinn" Jón Ingi C. Hélt að þú hefði meiri metnað fyrir hönd miðbæjarins en það. Bestu kveðjur,

[Jón Ingi Cæsarsson, 20.9.2007 kl. 12:34]

Meðan ekkert er gert er þetta hjallur. Gott að vita að VG ætlar að leggja til fjármagn...það er eimitt það sem hefur vantað að einhver vildi það.

[Gunnar Th. Gunnarsson, 20.9.2007 kl. 18:09]

Hver er stefna VG í húsfriðunarmálum í sambandi við kostnað af friðun? Á almenningur að borga brúsann?

[Edda Agnarsdóttir, 23.9.2007 kl. 10:41]

Gott að húsin fái að standa og hjólreiðaáætlunin er fín - hefur líka staðið til í mörg ár og það er líka til önnur áætlun en gott ef þessi kemst í gegn,

Annars er tilefni athugasemda að óska þér sérstaklega til hamingju með þína sýningu. Það er ekki í ófá skipti sem ég hef óskað þess að vera komin norður á myndlistarsýningar í þennan mikla gullbæ myndlistar.