Vinstri græn mæta vel undirbúin til þings

Það er ánægjulegt að Vinstri græn mæta af krafti til þings og ætla að halda uppi málefnalegri stjórnarandstöðu. Á heimasíðu VG er hægt að lesa langan lista af góðum málum sem verða lögð fram. Samfó ætti að geta greitt atkvæði með nokkrum þeirra eins og að koma í veg fyrir að Vatnalögin illræmdu verði að lögum þann 1. nóvember. Það er frábært að Vinstri græn sem er stærsti stjórnarandstöðuflokkurinn koma fram með framfaramál eins og að hjúskaparlög muni gilda um öll pör, samkynhneigð sem gagnkynhneigð og að raforkulögum verði breytt þannig að orkuverð verði opinbert. Um friðlýsingu Austari- og Vestari-Jökulsár í Skagafirði og um gjaldfrjálsar tannlækningar. Þetta eru uppbyggileg mál sem vonandi verða samþykkt. Áfram svona!

VG: Endurheimta þarf jafnvægi og stöðugleika í efnahagsmálum

Athugasemdir

[Þórbergur Torfason, 1.10.2007 kl. 23:16]

Hlynur, svo langt sem ég man, sem eru nú nokkur ár, minnist ég ekki að hér hafi ríkt stöðugleiki nema í nokkra daga í senn og þá helst í veðrinu. Frost og stilla, en það var fyrir margt löngu. Nú er orðið tímabært að koma á stöðugleika í efnahags, umhverfis og ýmsum framfaramálum sem lúta þá að almenningi, ekki þotuliðinu.