Þurfa sjálfstæðismenn ekki að líta í eigin barm?

Þetta Orkuveitu/REI-mál er sífellt að verða alvarlegra. Ástæðan fyrir því að sjálfstæðismenn eru svona brjálaðir þessa dagana er sennilega að þar er hver höndin upp á móti annarri. Ég skrapp til Hannover í gær og nennti ekki að taka tölvuna með mér og svo þegar ég kem aftur til Berlínar og skoða viðbrögðin við pistlinum sem ég skrifaði rétt áður en ég fór sér maður að það er eitthvað mikið að gerast hjá sjöllunum og greinilega ekki allir sem eru að átta sig á hlutunum. Sjálfur hef ég ekki náð að fylgjast með öllum nýjustu vendingum í málinu en vonandi, þegar öllu verður á botninn hvolft, sjáum við hver vissi hvað og hverjir vissu ekki neitt. Það eru enn ekki öll kurl komin til grafar en eitt er á hreinu: Svandís Svavarsdóttir hefur hér afhjúpað eitt mesta hneyksli valdakarlanna sem átt hefur sér stað lengi og hún hefur staðið sig frábærlega.

Borgarstjóri upplýstur um samning til 20 ára þann 23. september

Athugasemdir

[Fríða Eyland, 16.10.2007 kl. 02:36]

Vilhjálmur x er bæði í viðtali í mogganum og í kastljósi búinn að varpa ljósi á það að hann vissi ekkert um þennan tuttugu ára einkarétt.

Ég er nú svo skrítin að ég man eftir dúsum sem hinir og þessir hafa fengið, til dæmis spron, sph, landsbankanum, eimskip, símanum,búnaðarbankanum, íslandsbanka, og núna orkuveitunni.

En í þetta skiptið ætla ég að þjóðinni misbjóði græðgin, þeir töluðu um að hagnaðurinn væri ekkert annað en tölur á blaði.                         

Þá er samningurinn líka aðeins stafir á blaði, staðlausir stafur á blaði.

Fyrr má nú vera græðgin, í þeim sem eiga mest af aur 

Kveðja