Forstjórar Orkuveitunnar segi af sér

Af hverju þola laun þessara manna ekki dagsljósið? Er ekki kominn tími til að þessir menn axli ábyrgð og segi af sér og það án þess að fá feitan starfslokasamning? Eru þeir ekki búnir að klúðra nóg? Ég bendi á ágætan pistil sem Haukur Nikulásson skrifar um þessi mál með yfirskriftinni "Opinber fyrirtæki eru einkavædd til að fela sjálftöku launa og spillingu". Hingað og ekki lengra. Það á allt að vera upp á borðinu og ef afnám launaleyndar hefur einhvertíma átt við þá er það nú. Og hananú.

Launin þola ekki dagsljós

Athugasemdir

[Guðmundur Óli Scheving, 6.11.2007 kl. 12:25]

Ég er alveg sammála þér þeir eiga að segja af sér og ef ekki á þessi Borgarstjórn að reka þá.

Þeir eru bara ekki að standa sig að mínu mati og eru bara siðblindir.

[Þorsteinn Ingimarsson (IP-tala skráð) 6.11.2007 kl. 15:41]

Menn réttlæta súper laun með því að vísa til ábyrgðar sem þeir eiga að hafa. En svo þegar reynir á hana þá gerizt ekkert. Og menn sitja slímusetri á stólunum, enda vita þeir að enginn annar vill ráða þá.

[Úrsúla Jünemann, 6.11.2007 kl. 15:57]

Ef menn fá himinhátt kaup og réttláta það með því að ábyrgðin í starfinu sé svo mikil, þá eiga þeir að sjálfsögðu líka að axla ábyrgðina. Auðvitað eiga forstjórarnir Orkuveitunnar að segja af sér. Og ef þeir hafa ekki þessa dómgreind sjálfir þá á að reka þá, hér og nú.

[Fréttahaukur, 6.11.2007 kl. 18:10]

Upphrópanir, upphrópanir, upphrópanir!  Hvaða væl er þetta út af launum stjórnenda Orkuveitunnar ?  Ég vona að ekkert af ykkur sem amist þessa dagana við Orkuveitunni búi á svæðum sem til skamms tíma borguðu allt upp í árskostnað í hitaveitu á mánuði m.v. það sem þeir gera nú í dag, eftir að Orkuveitan keypti upp fjölmargar hitaveitur á vestur- og suðurlandi.  Ég trúi ekki öðru en því fólki sé "nokk" sama þó einhverjir hafi þokkaleg laun hjá OR því það fólk er loksins búið að uppreisn æru og farið að borga sama orkuverð og höfuðborgarbúar.  Þökk sé Orkuveitu Reykjavíkur.

En Íslendingar eru vanir því að hafa skammtímaminni og öfundast sí og æ út í náungann.

[Hrafnhildur Ýr Vilbertsdóttir, 6.11.2007 kl. 18:27]

Eins og talað út úr mínum munni það sem Úrsúla segir.  Og þú fréttahaukur, ég held að það sé ekki verið að amast yfir laununum, heldur leyndinni sem hvílir yfir þeim og því að þessir menn skitu upp á bak og ættu að taka ábyrgð á því.

það hins vegar virðist vera landlægur andskoti að menn komast upp með hvað sem er sem stjórnendur, án þess að að það hafi afleiðingar.

[Hlynur Hallsson, 6.11.2007 kl. 20:17]

Nákvæmlega Guðmundur, Úrsúla og Krumma. En þetta tal um öfund er dálítið útjaskað "fréttahaukur". Ég öfunda þessa náunga ekki af laununum þeirra og mín vegna mega þeir fá milljón á mánuði ef þeir eru að vinna vinnuna sína almennilega. Sem þeir hafa greinilega ekki verið að gera og hvar er þá öll ábyrgðin? Kalla Tomm leikur hér á eftir klukkan 22 ef moggabloggið verður í lagi. Bestu kveðjur,