Hægristjórn Howards fær skell í Ástralíu - sigur umhverfisverndarsinna

Niðurstöður þingkosninganna í Ástralíu eru afar ánægjulegar. Hægristjórnin er rassskellt og John Howard einn helsti bandamaður Bush er ekki einu sinni kosinn á þing og það er í annað sinn sem forsætisráðherrann, í 106 ára sögu núverandi stjórnkerfis Ástralíu, tapar þingsæti sínu í kosningum.

Þetta er sigur fyrir umhverfisverndarsinna í öllum heiminum því Kevin Rudd, leiðtogi Verkamannaflokksins og væntanlegur forsætisráðherra, hét því í kosningabaráttunni, að staðfesta Kyoto sáttmálann um losun gróðurhúsalofttegunda ólíkt Howard sem stóð með Bush gegn sáttmálanum.

Það er því víðar en í Suður- Ameríku og Evrópu sem vinstri sveifla er staðfest í kosningum. Það eru bjartari tímar framundan. 

Umhverfisverndarsinnar fagna úrslitum í Ástralíu

Athugasemdir

[Stefán Friðrik Stefánsson, 24.11.2007 kl. 17:13]

Þessi úrslit eru fyrst og fremst persónulegur ósigur Howards. Hann hafði setið mjög lengi og ætlaði að fara í fimmta kjörtímabilið. Fólk hafði einfaldlega fengið nóg af honum. Það er oft erfitt að þekkja vitjunartíma sinn í stjórnmálum. Enda heyrði maður víða, bæði hjá vinum í Ástralíu og áhugamönnum um pólitík þar, að kjósendur í Ástralíu sagði æði oft: Well, i used to vote for John Howard, but.....

[Marinó Már Marinósson, 24.11.2007 kl. 18:37]

Sá viðtal við hann um daginn og fannst hann vera orðin of sjálfmiðaður.

[Fannar frá Rifi, 24.11.2007 kl. 20:28]

Og þú heldur að hann Rudd og ný stjórn muni kúvenda stefnu Ástralíu? Ertu virkilega svo grænn að einn stærsti útflytjandi á kolum og að mig minnir lang stærsti útflytjandi á Úrani í heiminum loki bara á þessar greinar? Nei það munu verða mun mun minni breytingar heldur en margir halda. Í messta lagi munu Ástralir taka þátt í næstu samninga viðræðum um kolefnisútblástur.

[Anna Ólafsdóttir (anno) (IP-tala skráð) 24.11.2007 kl. 23:30]

Þrátt fyrir svartsýni Fannars ætla ég að segja til hamingju Hlynur

[Ingólfur Ásgeir Jóhannesson, 25.11.2007 kl. 15:00]

Ég er viss um að Hlynur er alveg gegn-grænn

[Sigurjón, 25.11.2007 kl. 15:14]

Það er gott að VG geti glaðst yfir sigrum í öðrum löndum, því þeir munu aldrei gleðjast yfir sigri hér á landi...

[Hlynur Hallsson, 25.11.2007 kl. 15:18]

Eitthvað er nú skammtímaminnið að gera Sigurjóni grikk því ég veit ekki betur en að Vg hafi fagnað tveimur sigrum upp á síðkastið. Fyrst í sveitarstjórnarkosningunum og svo tvöfaldaði Vg fylgið í þimgkosningum fyrr á árinu og þá var fagnað og einnig næst. Bestu kveðjur,

[Jóhannes Ragnarsson, 26.11.2007 kl. 18:27]

Ójá, Hlynur minn, VG tvöfaldaði fylgi sitt í síðustu alþingiskosningum, að sama skapi versnaði þingflokkur VG um meira en helming. Héðan í frá mun leið VG aðeins liggja niður á við. Hinir hrokafullu yfirstéttarfémínístar eru langt komir með að negla líkkistu VG saman. Til hamingju með árangurinn !!!