Benazir Bhutto myrt

Ástandið í Pakistan virðist hanga á bláþræði. Daglega eru gerðar sjálfsmorðsárásir. Ekki beint friðsöm jól þar í landi. Kosningarnar sem eiga að fara fram eftir tvær vikur hljóta að vera í uppnámi eftir að einn helsti frambjóðandi stjórnarandstöðunnar er drepin. Benazir Bhutto var hugrökk kona og hún lét lífið í dag fyrir hugrekki sitt. Lýðræðið hefur enn og aftur beðið hnekki.

Benazir Bhutto látin

Athugasemdir

[Anna Ólafsdóttir Björnsson, 27.12.2007 kl. 13:56]

Dóttir mín sagði það sama og síðasti ræðumaður, þetta er búið að vera yfirvofandi, en óneitanlega setur að manni óhug við þessi tíðindi. Benazir Bhutto var kona sem sýndi dirfsku og ég hefði svo sannarlega viljað að henni tækist ætlunarverk sitt, að velta þeirri vafasömu stjórn sem nú er við lýði í lýðræðislegum kosningum. Þetta er sorglegt.

[ViceRoy, 27.12.2007 kl. 14:02]

Hrikalegt mál!...  Sérstaklega miðað við þá stöðu sem landið var komið í. Þetta á eftir að setja allt á annan endann þarna, sannaðu til

En halda Pakistanar jól? Hélt meirihlutinn af þeim væri múslimar

[Jórunn Sigurbergsdóttir , 27.12.2007 kl. 14:49]

Ömurlegur heimur sem við búum í.

[Hrafnhildur Ýr Vilbertsdóttir, 27.12.2007 kl. 15:04]

Ömurlegt mál...og mikið sem heimurinn þarf að fara breytast....

[halkatla, 27.12.2007 kl. 15:26]

rosalega er þessi frétt mér mikið áfall, ég bjóst svo innilega ekki við því að þeim tækist að drepa hana... mamma var að segja mér frá þessu núna og sagðist hafa búist við þessu, ég var greinilega sú eina sem hélt að hún myndi lifa sama hvað þessir djöflar myndu reyna oft að drepa hana... þetta er svo sjúkt

[Greta Björg Úlfsdóttir, 27.12.2007 kl. 16:48]

Við þessu mátti búast. Þetta er hræðilegt og ástandið eldfimt. Þetta er að mörgu leyti skelfilegur heimur sem við lifum í, þó við höfum það gott hérna á Íslandi. En hversu lengi?

[Morten Lange, 27.12.2007 kl. 17:41]

Mikið er þetta sorglegt

[Sema Erla Serdar, 27.12.2007 kl. 18:14]

"Ekki beint friðsöm jól þar í landi" ...einmitt mikið haldið upp á jól þarna

[Jens Guð, 31.12.2007 kl. 01:05]

  Múslímar halda upp á jólin.  Þeir eru kristnir að því leyti að þeir trúa á þessar gömlu þjóðsögur gyðinga (Gamla testamentið og Nýja testamentið).  Jesú er einn af spámönnum múslima.

  Þar fyrir utan hafa jólin lítið með kristni að gera.  Jólin eru gömul heiðin hátíð ljóss og friðar.  Kristnir ömuðust við jólunum framan af.  Ég man ekki hvoru megin við árið 400 páfinn gaf út að jólin væru fæðingarhátíð Jesú.  En allt sem snýr að jólum er komið úr ásatrú:  Jólatréð,  jólasveinar,  gjafir,  veislumatur o.s.frv.

  Jólin eru sólrisuhátíð.  Jötnar og ásar gerðu friðarsamkomulag.  Orðið jól er að mati sumra fræðimanna samstofna við orðið hjól (= nýr árshringur).  Aðrir vilja rekja nafnið til þess að Óðinn hefur einnig nafnið Jólnir.  Enn aðrir vilja meina að nafnið Jólnir sé dregið af nafni jólanna.   

[Edda Agnarsdóttir, 1.1.2008 kl. 00:26]

Þetta er ljótt - en samt var þetta viðbúið því miður.

Gæfuríkt ár Hlynur og takk fyrir bloggið þitt og viðkynninguna.