Nýnasistar eru verri náttúruhamfarir

Uppgangur nýnasista er óhugnanlegur. Samanburðurinn við náttúruhamfarir er ef til vill einkennilegur en í raun eru nýnasistar enn verri en náttúruhamfarir. Fullkomin heimska sem hægt væri að koma í veg fyrir er fólk skoðar söguna. En nýnasistum er það fullkomlega fyrirmunað eða þeir vilja það bara ekki.

Brugðist við nýnasistum eins og náttúruhamförum

Athugasemdir

[Edda Agnarsdóttir, 15.1.2008 kl. 23:10]

Óhugnaður sem vont er að hugsa um! En það má ekki verða eins og síðast. HUGSIÐ.

[Hrafnhildur Ýr Vilbertsdóttir, 15.1.2008 kl. 23:38]

Heimsku, fáfræði og mannvonsku manna virðast engin takmörk sett. Það á að ná tökum á þessu strax! reyna að kæfa þetta áður en það verður að óviðráðanlegri skelfingu...

[Hlynur Hallsson, 16.1.2008 kl. 10:21]

Takk fyrir ábendingarnar Edda og Hrafnhildur. Það er einnig rétt sem Viðar Helgi segir, misskiptingin er meinsemd og oft upphaf óhugnaðar. Það þarf að vinna að svo að eyða misskiptingunni í heiminum og einnig hér á Íslandi. Bestu kveðjur,

[Guðjón Sigþór Jensson, 16.1.2008 kl. 10:48]

Eru þeir sem aðhyllast einhverjar öfgar ekki yfirleitt illa menntaðir, snauðir á andleg sem veraldleg verðmæti og til að kasta öllu frá sér, jafnvel siðmenningunni og sjálfvirðingu sinni? Því miður dragast svona lítilsigldir karlar að sínum líkum, þeir eru mjög áhrifagjarnir og með hópefli draga þeir til sín álíka galgopa. Svona karlar geta orðið að þjóðaplágu, oft eru þeir slæmar landeyður og þaðan af verra.

Mosi

[Heiðar Lind Hansson, 16.1.2008 kl. 12:15]

Nýnasismi er sannarlega jafngildi náttúruhamfara. Það liggur við að maður þurfi að klípa sig í handlegginn til að athuga hvort að þetta sé ekki bara einhver ímyndun, að virkilega eru til fjölmennir hópar sem lifa fyrir boðskap sem var fyrir löngu síðan brenndur á "öskuhaugum sögunnar".

Ég man eftir einu útvarpserindi á Rás 1 í sumar frá konu sem býr í Þýskalandi og ræddi hún m.a. um nýnasista þar í landi. Kjarninn í hennar erindi, fjallaði um vandamálið sem þarlend yfirvöld standa fyrir þegar taka þarf á þessari pest sem nýnasismi er. Ef tekið er hart á þessum hópum, eru menn gerðir að píslarvættum innan nýnasismans, sem er vatn á myllu meiri öfga í þessum hópum. Hóparnir skýla sér svo á bakvið stjórnarskrár um tjáningarfrelsi o.s.frv. sem þeir myndu svo með auðveldum hætti hrekja burt ef þeir næðu völdum. Nýnasismi er því mikil vá fyrir öll samfélög.

[Óskar Helgi Helgason (IP-tala skráð) 16.1.2008 kl. 12:15]

Heill og sæll, Hlynur og aðrir skrifarar !

Þér væri nær; Hlynur, að fjalla um uppgang kapítalismans, og þess sóðaskapar, hver af honum hlýst og er koma öllu, á annað hjarið.

Með beztu þjóðernissinna kveðjum /

Óskar Helgi Helgason  

[Anna Ólafsdóttir Björnsson, 16.1.2008 kl. 13:31]

Sendi smá skilaboð út í bloggheima snemma vetrar eftir að við mæðgur urðum vitni að ,,vígslu" allmargra nýnasista í Búdapest, þar sem þessi þróun er á mjög hættulegu stigi. Reydnar svo hættulegu að New York Times segir: Gleymið Kosovo, beinið sjónum að því sem er að gerast í Ungverjalandi. Og ég veit að í Rússlandi er einn dagur á ári þar sem öllum sem eru ekki ljóshærðir og bláeygðir (nánast) er ráðlagt að halda sig innandyra meðan rasistarnir fara hamförum. Úff. Er að safna efni um málið og finn vonandi tíma til að fjalla betur um það.

[Georg P Sveinbjörnsson, 16.1.2008 kl. 13:55]

Nýnasistar eru áhyggjuefni vissulega. en ég hef ennþá meiri áhyggjur af uppgangi Fasisma í Bandaríkjunum þar sem sömu aðferðum er beitt og í þýskalandi Nasista...þetta ferli er skýrt vel út af Naomi Wolf, HÉR er gott viðtal við hana um þessa óhugnanlegu þróun.

[K Zeta, 16.1.2008 kl. 15:00]

Nasistar eru afleiðing einhvers umhverfis en ekki örsök.  Fólk má ekki gleyma hvernig heimurinn var í upphafi síðustu aldar og hvernig Þjóðverjum var gert að gjalda fyrir fyrri heimstyrjöldina sem skapaði jarðveg fyrir öfga Nasismans.  Við erum í dag að borga fyrir heimsvaldastefnu Breta en það talar enginn um það í sama dúr og um Nasista.  Breska Heimsveldið úthellti meiru blóði en styrjöld Þjóðverja en það eru ekki gerðar kvikmyndir um það heldur af okkar EngilSaxnesku frændum.  "Hafa ber það sem Enskra er"

[Georg P Sveinbjörnsson, 16.1.2008 kl. 18:17]

Það er víst ekki sama hverjir fremja glæpina frekar en fyrri daginn.

[Gunnar Páll Gunnarsson, 17.1.2008 kl. 21:16]

Því miður blundar þessi "stjórnmálastefna" ennþá í okkur þegar herðir í ári. þá eykst sókn í öfgasinnuð samtök. Því miður!