Kjötfarsi í Valhöll

Dario Fo hefði getað verið stoltur handritshöfundur að farsanum sem sýndur var í Valhöll í dag. Fló á skinni hér fyrir norðan hefði getað óttast samkeppni en sennilega verður farsinn í Valhöll bara sýndur einu sinni. Gísli Marteinn og Hanna Birna komust undan í gegnum kjallarann á Valhöllinni. Hinir hlupu fram hjá fréttamönnum og skelltu hurðum. Villi vinalausi sat einn eftir með tvo auða stóla sér til hægri- og vinstrihandar og var frekar vandræðalegur. Er búinn að axla ábyrgð með því að hrökklast frá völdum því Björn Ingi vildi ekki lengur vera memm. (Það heitir semsagt að "axlaábyrgð"). Búinn að að axla málið og yppir öxlum. Fundurinn átti að vera í Ráðhúsinu en það var skipt um leiksvið til að plata áhorfendur strax í upphafi. Blaðamannafundurinn átti að vera klukkan eitt en kjötfarsið var svo seigt að það þurfti að fresta öllu til klukkan 14:20 (þegar þau síðustu voru flúinn út um neyðarútganginn í kjallaranum, í kjallaranum...)

Svo átti bara að hleypa einum og einum eða sérvöldum fréttamönnum inn í einu. Smá stimpingar við starfsmenn Sjálfstæðisflokksins og svo fengu allir sem voru í beinni að fara inn í einu. Blaðamennirnir biðu fram á gangi á meðan. Og svo var engin frétt, bara gamlar endurteknar fréttir.

Geir H. Haarde er ekki viss um að hann styðji Villa eftir nokkra mánuði, ætlar bara að sjá til. Enginn sexmenninganna sá sér fært að mæta í Kastljósið um kvöldið og ekki heldur Villi (þarf að ráðfæra sig við sitt fólk).

Þetta er farsi sem tekur öllu öðru fram. Samt sorglegt að þetta er raunveruleikinn en ekki farsi eftir Dario Fo. Þetta er kjötfarsi.

Vilhjálmur: Hef axlað ábyrgð

Athugasemdir

[Rauða Ljónið, 12.2.2008 kl. 09:25]

Sæll, Hlynur.

Mannorðs morðin sem framinn eru nú í Reykjavík eiga varla sinn líka í sögunni þar sem hver borgarfulltrúinn á fætur öðrum sem nú eru í  minni hluta, geysir fram á völlinn í skítkasti í hneykslun sinni yfir störfum annanara og enginn þeirra er meiri hetja en sá sem hæst lætur í níð kasti og rógburði, Gróusögum , mannorðamorðum og öllum slíkum viðbjóði sem fram hefur komið nú á síðustu 120 dögum.

Það er alveg ótrúlegur hópur á lákurulegu einstaklingum sem þar hafa valtist  í hóp kjörna fulltrúa flokkana .

Og síðan apa bloggara á vinstrivang upp  og sparka í liggjandi mann og telja sem mestu hetjur Reykjavíkur eftir því sem spörkin verða fleiri og fleiri æsist  hatrið upp í þeim og þeir vita það vél að hvorki kemur blóð né mar fram því það er mannsálinn sem bíð tjón á þessu framferði og henni blæðir.

 Engin virðist þar komast að nema að hafa skítlegt innræti og hatur hugans til náungans og vilja allt drepa það sem gott er í manns sálinni bróðurkjarrleikurinn finnst þar ekki og eftir villi er litið á hann sem löst sem best sé að láta niður falla.

Sömu fulltrúar og bloggarar lýsa vanþóknun sinni á hegðun borgarana þegar þeir koma út úr ölhúsum á föstudaga og laugadagsnóttum og þeirri ofbeldisöldu sem tíð rædd er um hverja helgi og hag sér enn verra, því ekki rennur af  bloggurunu þeir eru sí drukknir allan daginn út og inn allt árið í hatri.

Er ekki komin tími til að þessi flokkar og fylgismenn láti af þessu og vinni í málinu á heiðalega hátt og sýni hverjum öðrum drengskap og heiðaleika og bindist höndum saman og leysi málin á heiðarlegan hátt öllum til heilla og fari að huga betur að hinum innra manni  og hefji manns sálina á hærra plan.

 Kv, Sigurjón Vigfússon

[Ransu, 12.2.2008 kl. 10:43]

Varla er nóg að  axla ábyrgð  með þvi að segja "ég axla ábyrgð" og gera svo ekkert frekar í málinu sjálfur.  Þetta er bara barnalegt.

[Hlynur Hallsson, 12.2.2008 kl. 10:47]

Sæll Sigurður, margur heldur mig sig. Ég veit ekki til þess að Vilhjálmur sé liggjandi, hann er í mesta lagi sitjandi og það hvarflar ekki að mér að sparka í hann eða nokkurn yfirleitt.

Rétt Ransu, og það er enn verra "að lenda í því að axla ábyrgð"!

Bestu kveðjur, 

[Gísli Baldvinsson (IP-tala skráð) 12.2.2008 kl. 10:52]

Sigurjón talar um heiðarleika. Eiga kjósendur ekki rétt á heiðarleika? Það hefur enginn sparkað í Vilhjálm, nema hugsanlega hann sjálfur. Hann situr...liggur ekki.

[Ómar Sigurðsson, 12.2.2008 kl. 11:07]

En hvað með Dag B. Eggertsson sem samþykkti allann gjörninginn nákvæmlega eins og Villi á hann ekki að axla ábyrgð? Ég bara spyr, eða eru þið í drullunni uppað öxlum og það er í lagi ef það eru "Ykkar menn " sem gera á sig.

[Edda Agnarsdóttir, 12.2.2008 kl. 14:23]

Nannananna na nú - ja hérna - það eru til skrýtin viðbrögð við þessum frábæra pistli Hlyns. Báðir í dýrslíki og ljónið sýnu verra en hundurinn eins og vera ber. Hvað eru svona menn eiginlega að fela?

Kjötfarsi! Snilld.

[Hildur Guðlaugsdóttir, 12.2.2008 kl. 22:48]

Ef Villi axlar ábyrgð með þvi að missa borgarstjórnarstólinn

þá er Dagur líklega líka búinn að axla ábyrgð ,samkvæmt Vilhjálmi fyrverandi