Stýrivexti óbreyttir - Davíð Oddson "kastar blautri tusku" í Villa!

Hávaxtastefnan heldur áfram. Ætli furðuleg hótun Vilhjálms Egilssonar frá því í gær hafi farið illa í flokksbróður hans í Seðlabankanum? Það hefði nú verið hægt að sýna smá lit og lækka vextina um 0,25%. Þá hefði Villi ekki þurft að fá blauta bekkjartusku í andlitið sitt.

Óbreyttir stýrivextir

Athugasemdir

[Gísli Baldvinsson (IP-tala skráð) 14.2.2008 kl. 10:07]

Enda eru ákvarðanir um vexti teknar í Seðlabankanum og um álver í ríkisstjórn. Þessi Villi skilur það ekki - frekar en hinn Villinn skilur svo agnar smátt.

[Hlynur Hallsson, 14.2.2008 kl. 10:16]

Já Gísli, talandi um álversákvarðanir í ríkisstjórn: ætlar ríkisstjórnin þín með "Fagra Samfó Ísland"  að láta byggja álbræðslu á Reykjanesi? Ég bíð spenntur eftir svari frá þér, Þórunni og Össa vini mínum :)

Bestu kveðjur, 

[Gísli Baldvinsson (IP-tala skráð) 14.2.2008 kl. 11:33]

Ertu að tala um leikritið hans Árna Sigfússonar Johnsen?

[Hlynur Hallsson, 14.2.2008 kl. 12:07]

Já, nákvæmlega Gísli. Þar sem ríkisstjórnin er með stóra "rullu" með Árna Matt í aðalhlutverki. Össi og Þórunn hafa hinsvegar haldið sig baksviðs ásamt restinni af Samfó hingað til. En á ekki að svara?

Bestu kveðjur,

[Gísli Baldvinsson (IP-tala skráð) 14.2.2008 kl. 13:40]

Þó ég sé ekki stórt peð þá get ég auðvitað svarað. Í raun fólst ákveðið svar í fyrra kommentinu, það að þó Árni og Árni blási þetta út þá þarf nú einfaldlega starfsleyfi og alles. Það hefur ekki verið gefið út. Ég á bágt að trúa því að umhverfisráðherra bakki með þá yfirlýsingu sem hún hefur gefið. Auk þess erum við Baldvin Halldór sama sinnis að ef þarf endilega að hrúga niður álverum sé Bakki á Húsavík næsti kosturinn. Þar með er Kyótokvótinn uppurinn. Svarið er NEI.

[Hlynur Hallsson, 14.2.2008 kl. 14:43]

Takk fyrir skýrt svar Gísli. Ég vildi að þú værir "stærra peð" í Samfó :)

En Húsvíkingar eiga betra skilið en álbræðslu á Bakka. Best að bakka með hana og halda áfram með raunverulega atvinnuuppbyggingu þar sem orkan er nýtt á skynsamlega hátt. Bestu kveðjur,

[Guðbjörg Elín Heiðarsdóttir, 15.2.2008 kl. 02:00]

Skilur einhver eitthvað hvernig þetta samfélag er orðið hvað varðar laun á Íslandi ? Það hefur alla tíð verið þannig að láglauna fólkið fær minnst af kökunni og það er byrjað á því að semja um laun láglauna fólksins í landinu og síðan koma allir aðrir jarmandi á eftir. Þetta er ekki neinum '' Villum'' um að kenna,svona hefur þetta alla tíð verið.