Hækka skattleysismörkin

Það á ekki að þurfa að funda mikið um þetta. Það er svo augljóst að það kemur öllum vel og langbest þeim sem eru með lægstu launin. Geir, Ingibjörg, Jóhanna og Árni eiga ekki að þurfa að velta þessu fyrir sér í langan tíma, eða hvað? Semsagt hækka skattleysismörkin almennilega og málið er afgreitt. "Hefja undirbúningsvinnu" hljómar eins og þessi ríkisstjórn hafi ekkert verið að gera hingað til og það er sennilega staðreyndin.

Undirbúningsvinna að hefjast

Athugasemdir

[Baldur Fjölnisson, 15.2.2008 kl. 16:05]

Rétt, hækka ber skattleysismörkin strax um 50 þús. og leggja í staðinn 1-2% söluskatt á öll verðbréfa- og gjaldeyrisviðskipti. Dugi það ekki til að dekka tekjutap ríkissjóðs vegna hækkunar skattleysismarkanna ber að grisja eitthvað af tröllvöxnum atvinnuleysisgeymslum og forsjárstofnunum ríkisins.

[Þórir Kjartansson, 15.2.2008 kl. 16:13]

Vilhjálmur Egilsson setti í uppnám með ótrúlega óskammfeilnum hætti, viðræður sem í gangi voru milli ríkisstjórnarinnar og ASÍ,  einmitt um þetta efni.  Þetta útspil hans var eitthvað það heimskulegasta sem ég man eftir í kjaraviðræðum í mjög langan tíma. Það er greinilegt að þessi maður sem er í vinnu hjá atvinnurekstrinum í landinu virðist ekkert vita  hvað er að gerast þar, nema sennilega hjá nokkrum stórfyrirtækjum, sem eiga fátt eitt sameiginlegt með litlum og meðalstórum fyrirtækjum.  Og eins og ég hef áður sagt virðist fólkið hjá ASÍ skynja mun betur hvernig hlutirnir ganga fyrir sig hjá þessum fyrirtækjum en SA.  Auðvitað kæmi hækkun skattleysismarka sér best fyrir alla. Svona launahækkanir, eins og nú er verið að semja um fara beint út í verðlagið.

[Snorri Bergz, 15.2.2008 kl. 18:05]

Merkilegt nokk kallinn, við erum þá sammála um eitthvað!

Þessi skattleysismörk eru skandall...hækka þau strax og það verulega.

[Hlynur Hallsson, 15.2.2008 kl. 18:38]

Takk fyrir fínar athugasemdir allir þrír. Ég vissi að það kæmi að því að við Snorri yrðum sammála um hlutina :)

Vilhjálmur Egils gengur fram af manni enn og aftur. Og eini verkalýðsforinginn (fyrir utan Ögmund) sem þorir að segja hlutina er Guðmundur Gunnarsson.

Bestu kveðjur, 

[Hrafnhildur Ýr Vilbertsdóttir, 15.2.2008 kl. 19:01]

Hinn venjulegi launþegi er komin með upp í kok af skítalaunum, þeir lægst launuðu rétt skrimta!!!!!  það þarf að gera róttækar breytingar á launum og skattkerfi

[Árni Gunnarsson, 15.2.2008 kl. 21:25]

Svo sjálfsagt mál að eiginlega stendur það ofar öllum ályktunum.

[Gísli Bergsveinn Ívarsson, 15.2.2008 kl. 23:14]

Kíktu á bloggið mitt og segðu hvað þér finnst um NOVA auglýsinguna