Stjórnin fallin - fundur í Ráðhúsinu

Það eru afar ánægjuleg tíðindi ef rétt og satt reynist að stjórnin sé fallin, þessi herstjórn í Pakistan.

Og svo er boðað til blaðamannafundar í Ráðhúsinu á morgun af annarri stjórn sem lafir enn. Það getur að vísu vel verið að fundurinn verði færður á síðustu stundu upp í Valhöll því þar eru menn að æfa sig í að taka á móti gestum, blaðamönnum og hafa nóg af auðum stólum og neyðarútgöngum og svona. Láta alla bíða hæfilega lengi til að auka spennuna.

En af hverju bara þriggja ára áætlun? Gáfust fimm ára áætlanir illa? Hvað með þriggja daga áætlun? Eða tveggja ára og þriggja mánaða?

Einn stærsti galli íslenskra stjórnmálamanna er að þeir virðast ekki geta horft lengra fram í tímann en 4 ár.  En það er greinilega verið að stytta það niður í 3 ár af borgarstjórnarhlutanum. Vonandi verður bein útsending.

Svo bíður maður einnig spenntur eftir úrslitunum frá Pakistan. 

Pakistanska stjórnin fallin?

Athugasemdir

[Fríða Eyland, 19.2.2008 kl. 04:43]

Alltaf gaman að spá í tölur og afstæði tímans

[Steinunn Helga Sigurðardóttir, 19.2.2008 kl. 06:52]

já mjög spennandi !

bless í bili 

[Fannar frá Rifi, 19.2.2008 kl. 11:47]

heyrðu Hlynur. eigum við ekki að taka upp Íranskt janfrétti hér á fróni?

er ekki Íran svo gott og fallegt lýðræðisríki? 

[Hlynur Hallsson, 19.2.2008 kl. 11:53]

Fannar þú kemur mér sífellt á óvart, en að þér finnist jafnréttismál í Íran til fyrirmyndar er samt aðeins og mikið. Ég get ekki tekið undir þessi orð þín. Því miður er ekki mikið lýðræði í Íran, né Írak, né Afganistan (og ansi langt frá jafnrétti). Kveðjur,

[Fannar frá Rifi, 21.2.2008 kl. 20:39]

En í Palestínu? eigum við ekki að taka upp Palestínískt jafnrétti?