Menntasmiðjunni úthýst

Sjálfstæðisflokkur og Samfylking segja að það sé engin einkavæðingarstefna í gangi en samt er allt á fullu í einkavæðingu í félagslega geiranum og einnig í heilbrigðismálum. Sennilega er þetta "stefnulaus" einkavæðing en hún er komin með allskonar dulnefni eins og "úthýsing", "einkarekstur" og "sjálfstæður rekstur". 

Í fréttum í gær var sagt frá því að það á að "bjóða út" rekstur á heilli sjúkradeild á Landspítalanum. Þetta er einkavæðing. Og nú er það Menntasmiðjan hér á Akureyri sem er á úthýsingarlistanum. Það hefur verið unnið frábært starf með Menntasmiðju kvenna og einnig Menntasmiðju unga fólksins en það er ekki nóg finnst meirihluta íhalds og Samfó hér í bæjarstjórn. Einn fulltrúi meirihlutans sagði í umræðum um málið að það þyrfti að fjölga úrræðum fyrir ungt fólk sem hefði dottið úr námi og vinnu. Þetta er hárrétt, en er þá ekki einkennilegt að ætla að fækka þeim?

Fyrir réttri viku skrifaði ég um niðurskurð bæjarins á fyrirfram ákveðnu uppbyggingarfjármagni til Siglingaklúbbsins Nökkva. Þar sá bærinn að sér og samdi um málið eftir að það var komið í fjölmiðla. Vonandi sér meirihlutinn í bæjarstjórn einnig að sér í þessu máli og eflir starfsemi Menntasmiðjunnar í stað þess að úthýsa henni.

Menntasmiðjan slegin af

Athugasemdir

[Auðun Gíslason, 29.2.2008 kl. 16:01]

Vikadrengir kapítalismans eru á fullu að bera árangur áratuga baráttu fyrir borð.  Skólakerfið, heilbrigiskerfið, húsnæðiskerfið, tjáningarfrelsið etc.  Nú á aldeilis að ganga til verks.

[Pálmi Gunnarsson, 2.3.2008 kl. 12:31]

Ekkert nýtt hér á bæ, Menntasmiðja kvenna var ekki á vinsældalista fyrrverandi bæjarstjóra, allavega ekki konan sem kom henni á laggirnar og trúlega er verið að gegna einhverri gamalli fýlu með þessu. Engar haldbærar og rökstuddar forsendur eru lagðar fram í þessu máli.   Spurninghvort ekki ætti að úthýsa bæjarstjórnina.  Miðað við afrekalistann þá þyrfti eina skrifstofu, síma, tölvu og fax.

[Jóhannes Ragnarsson, 2.3.2008 kl. 15:39]

http://www.joiragnars.blog.is/blog/joiragnars/

[Alfreð Símonarson, 2.3.2008 kl. 23:33]

Ég vona að ég sé ekki ókurteis ef ég pota hérna aðeins minni nýust færslu um efnarákir yfir Reykjavík. Ég er að reyna að safna sem flestum í þessa umræðu og er öllum það frjálst að bæta við athugasemd ef þið viljið tjá ykkur um þetta ákveðna málefni:

Víða efnarákir yfir Reykjavík, krakkar ekki borða snjóinn!!





Kær kveðja Alli