Frelsið hér og í Bandaríkjunum

Athyglisverð frétt á mbl.is um fjölmiðlafrelsið í heiminum. Ég tek svona lista auðvitað hæfilega alvarlega. En það undrast sennilega enginn að BNA dettur niður um meira en 30 sæti og vermir nú 53. sætið á listanum og er á svipuðum stað og Botswana, Tonga og Króatía. Sem er jú frábær félagsskapur. Þetta geta bandaríkjamenn þakkað forsetanum sínum, honum George Bush vegna hins svonefnda "stríðs gegn hryðjuverkum" sem hefur auðvitað bitnað á frelsi fjölmiðla eins og frelsi almennings.

Það leiðir svo hugann að fjölmiðlafrumvarpi Davíðs Oddssonar og félaga í Sjálfstæðisflokknum. En ef þeim hefði tekist að troða því í gegn eins og til stóð værum við mun neðar á þessum lista. Við getum svo aftur þakkað forsetanum okkar honum Ólafi Ragnari fyrir að það mál var stoppað af á elleftu stundu þó að við fengjum aldrei að greiða atkvæði um það í þjóðaratkvæðagreiðslu eins og lög segja til um. En það getum við svo aftur "þakkað" ríkisstjórninni fyrir!

Fjölmiðlafrelsi á Íslandi með því mesta í heiminum

Athugasemdir

[Sveinn Arnarsson, 23.10.2006 kl. 23:53]

Já, það er svolíið skrýtið í öllu þessu að enginn hafi gert almennilega athugasemd við gjörning ríkisstjórnar að afnema sett lög, því þeir hafa ekki heimild fyrir því að mínu viti. Alþingi setur lög og Alþingi verður að afnema sett lög, þannig eru reglurnar. Í þessu tilviki afnam alingi ekki lögin heldur aðeins framkvæmdavaldið... skrýtið....

Annars vil ég að þú takir prófið Hlynur á www.politicalcompass.org.

kv