Maðurinn sem gerði Ísland gjaldþrota

Sökudólgurinn er fundinn! Maðurinn sem vildi setja okkur á hausinn en tókst það ekki. Hann heitir Hugh Hendry. Já, alveg satt Hugh Hendry! Þetta er ekki óráðsíu eða óstjórn eða ríkisstjórninni að kenna og ekki nýríkum bankamönnum í útrás, nei, þetta er allt Hugh Hendry að kenna. Hann er Breti (margir héldu að þetta væri Þjóðverji, Frakki eða maður frá Asíu eða jafnvel Dubai!)

Davíð Oddsson þarf ekki að leita lengur því hann er fundinn, maðurinn sem vildi láta minnast sín sem mannsins sem gerði Ísland gjaldþrota. Og tókst það næstum.

(Þetta er að vísu ekki alveg ný frétt heldur frá Times þann 8. júlí 2006. En hann sagði þetta sjálfur!)

Vildi gera Ísland gjaldþrota

Athugasemdir

[Anna Benkovic Mikaelsdóttir, 1.4.2008 kl. 10:16]

Er þetta ekki aprílgabb?

[Hlynur Hallsson, 1.4.2008 kl. 10:33]

Þetta er sennilega eitt að mörgum aprílgöbbum hjá mbl.is Anna:)

"Stór Hafnarfjarðarsvæðið" hljómar ágætlega Árni. Ég segi samt aldrei "stór Akureyrarsvæðið" heldur bara "Eyjafjarðarsvæðið". Geri þetta af virðingu við nágrannana hér. Skil vel þessa afstöðu þína. Ef til vill ætti maður bara að kall þetta svæði "Faxaflóasvæðið" eða er það of veðurfréttalegt:) Bið að heilsa í Hafnarfjörðinn, vinabæ okkar.

Bestu fjármálakveðjur, 

[Gísli Baldvinsson (IP-tala skráð) 1.4.2008 kl. 11:06]

Drífa sig svo í sund í dag Hallur. Sjá frétt á bloggsíðu minni, kv gb

[Hlynur Hallsson, 1.4.2008 kl. 11:16]

Sæll Gísli, Hlynur hér :)

Sóley Tómasdóttir er með sömu sundhugmynd í dag  Allir í sund klukkan 17 í dag (1. apríl) ber að ofan, karlar og konur!

Bestu kveðjur,

[Guðjón Sigþór Jensson, 1.4.2008 kl. 11:30]

Einu sinni var skreiðarkaupmaður enskur sem gjarnan vildi bæta hagsmuni sína á Íslandi. Þar sem páfi var oft skítblankur enda var dýrt að reka spánska rannsóknarréttinn að hann freistaðist að bjóða mörg embætti innan kirkjunnar hæstbjóðanda, þ. á m. byskupsembættið í Skálholti. Þannig „keypti“ skreiðarbraskarinn Jón Gerrekkson byskupstignina en ekki varð honum lengi kaupin úr því klæði enda vildu Íslendingar ekkert með þennan byskup að gera sem auk þess var með vopnaða sveit sveina sér til aðstoðar að koma sínu fram. Þegar tækifæri gafst var byskup þessi tekinn höndum, stungið í gamlan strigapoka og bundið fyrir þegar nokkrum steinum hafði verið komið þar fyrir. Síðan var pokaskjattanum ásamt byskup fleygt í Brúará sem frægt er í frásögnum.

Ekki mælir Mosi með þessari aðferð en sjálfsagt er að vara alla braskara við því að grafa undan fjármálalífi voru sem annarra. Fyrr á tímum hefðu þeir verið brennimerktir, húðstrýktir og settir í gapastokk ef ekki skotnir sem hundar, hengdir, brenndir, hálshöggnir eða gerðir á einhvern annan hátt gerðir höfðinu styttri.

Sjálfsagt á skattalögreglan allra landa að þefa svona braskara uppi og gera þeim óvært, hvar sem þeir kunna að sitja á fleti fyrir. Þá mætti senda þeim alla þá tölvuvírusa sem uppfundnir hafa verið og óska þeim niður á sextugt dýpi með sitt ómerkilegu braskáform. „Með illu skal illt út drífa“ sagði gamla fólkið og óskaði þá engum neins góðs og meinti það í alvöru!

Svo er aðeins að vona að úr rætist. Sjálfsagt á landið aftur eftir að rísa og þá verðu komið vor með bros á vör og nýjar vonir.

Bestu kveðjur norður heiðar.

Mosi

[Ransu, 1.4.2008 kl. 17:28]

Mér sýnist þessi Hendry ná ansi nálægt markmiði sínu, hvort sem það er apríluppspuni eða ekki.

Hvað með þessar verðhækkanir í dag? Ómengaðar blautþurrkur til að þvo bossann á börnunum fer úr 380 kr í 490 kr. Og brauð í nágrennisbakaríinu mínu hækkar svipað. Ef það er ekki aprílgabb ársins, þá veit ég ekki hvað!

[Marinó Már Marinósson, 1.4.2008 kl. 23:06]

Það er gott að búa á höfuðborgarsvæðinu þar sem ég bý; í Kópavogi.