Fundarröð Vinstri grænna: Tökumst á við efnahagsvandann

Það er gott ef kreppan er strax á undanhaldi. En er botninum náð eins og forsætisráðherrann sem flaug með einkaþotu úr landi vill halda fram? Sem betur fer eru ekki allir sem ætla að flýja eða standa hjá og horfa á heldur koma með jákvæðar og uppbyggilegra tillögur til lausnar vandans.

Í dag verður fundaröð Vinstri grænna um efnahagsmál hleypt af stokkunum á Akureyri. Yfirskrift fundaraðarinnar er „Tökumst á við efnahagsvandann –tillögur Vinstri grænna“ og er tilgangurinn að kynna og ræða þær tillögur sem Vinstri græn hafa lagt til á þingi til að taka á aðkallandi vanda í efnahagsmálum. Meginmarkmið tillagnanna er að endurheimta efnahagslegan stöðugleika, verja stöðu heimilanna og kaupmátt launa.

14.00 Blaðamannafundur þar sem fundaröðin og tillögur VG í efnahagsmálum verða kynntar.

15.00 –Fyrsti fundurinn í fundaröðinni „Tökumst á við efnahagsvandann, –tillögur Vinstri grænna“, frummælendur eru Steingrímur J. Sigfússon og Svandís Svavarsdóttir.

Allir að mæta! 

Íslensku bankarnir að koma inn úr kuldanum

Athugasemdir

[Gunnar Th. Gunnarsson, 5.4.2008 kl. 15:49]

Eitt sinni var einhver ráðherranefnd að funda úti í Evrópu og íslenski sjávarútvegsráðherrann hitti kollega sinn frá Sviss. Sá íslenski spurði í hæðnistón hvað Svisslendingar væru að gera með sjávarútvegsráðuneyti, landluktir á alla vegu inni í miðri Evrópu. Svissneski ráðherrann horfði dálitla stund á þann íslenska og spurði svo; "Afhverju eruð þið með fjármálaráðuneyti?".

Mér datt þetta svona í hug, af því VG er að funda um efnahagsmál.

[Júlíus Sigurþórsson, 5.4.2008 kl. 16:52]

Þarna (2. gr.)er talað um að taka samtals 120 milljarða að láni til að styrkja gjaldeyrisforðann.

Hvað kostar þetta í vaxtagreiðslum á ári og hvenær á að borga þessi lán upp?

Hverjir verða vextirnir á sparnaðarskuldabréfunum og í hversu langan tíma eiga þessi bréf að gilda.

Samtals í greinagerðinni er talað um "til beinna tölusettra útgjalda" 14,3 milljarða. Svo bætast bæturnar og fl til.

Eins og ég sagði, hvaðan eiga þessir peningar að koma? Lán eða skattahækkun.