Samfylkingin margsaga um skólagjöld í opinberum háskólum

Það er heldur betur að fjara undan Samfylkingunni. Að vísu eru alltaf margar stefnur í gangi í öllum málum þar á bæ en stefna Samfylkingarinnar fyrir síðustu kosningar varðandi skólagjöld í opinberum háskólum var nokkuð skýr. Það átti ekki að taka upp skólagjöld. Það virðist hinsvegar eins og sumir í flokknum þar á meðal formaðurinn séu búin að gleyma þessari stefnu.

Það er mjög góð grein á vef Vinstri grænna um málið í dag undir fyrirsögninni: Fer andstaðan við skólagjöld sömu leið og Fagra Ísland?

Athugasemdir

[Úrsúla Jünemann, 17.4.2008 kl. 14:40]

Formaðurinn Samfylkingar hefur tekið sérkennilega stefnu í mörgum  málum eftir síðasta kosningu.

[Gísli Baldvinsson (IP-tala skráð) 17.4.2008 kl. 20:03]

Þetta er bara ekki rétt Hlynur og stefnan er skýr. Sjálfur tók ég þátt í ásamt fleirum að orða stefnuna varðandi skólagjöld á síðasta landsfundi Samfylkingarinnar. Það var kannski ekki aðal erindið hér inn, Hlynur heldur það að nú ert þú með í annað sinn bjagað merki Samfylkingarinnar, sem er beinlínis meiðandi og ómálefnalegt. Þú sem listamaður ættir að vita betur. Ef þetta væri logó fyrirtækis værir þú kærður. Hættu þessu, þetta er ekki einu sinni fyndið.

[Víðir Benediktsson, 17.4.2008 kl. 22:32]

Mér finnst nú bara fara vel á merkinu svona og í samræmi við hegðun og framkomu flokksins undanfarið. Þetta er svona týpískur 180° snúnigur. Faglega túlkað úr hendi listamanns. Hafðu þökk fyrir Hlynur.

ps. Þar fyrir utan er þetta drepfyndið. 

[Karl Tómasson, 18.4.2008 kl. 00:06]

Kæri Hlynur.

Það er nokkuð ljóst að það eru erfiðir tímar núna hjá góðum og gegnum vinstrimönnum innan Samfylkingarinnar.

Bestu kveðjur frá Kalla Tomm úr Mosó.

[Karl Tómasson, 18.4.2008 kl. 00:09]

Hlynur, minn kæri. Ég tek reyndar undir orð Gísla Baldvins. Það er alger óþarfi að setja merkið á hvolf. Það breytir engu og í raun segir ekkert. Ég held að það sé bara dónaskapur.

Bestu kveðjur aftur úr Mosó.

[Ransu, 18.4.2008 kl. 08:48]

Þurfti eitt sinn að leita lögfræðiráðs vegna þess að ég var að brúka fyrirtækjalógó í listaverk.  Var þá tjáð að ef maður brúkar það sem slíkt sé það löglegt. En ef maður notar viðurkennt vörumerki í fjöldaframleiðslu á einhverri nytjavöru, sé það ólöglegt. Reyndar er samfylkingin ekki fyrirtæki heldur samtök, en það breytir varla þessu lögfræðimati.

Merkið á hvolfi er flott líkingarmynd, Hlynur . Spurning hvort væri ekki líka við hæfi að bæta bláum fálka Sjálfstæðisflokksins við merki samfylkingarinnar, með klærnar fastar utan um rauðu kúluna.

...Og að lokum. Auðvitað eru kjöraðstæður þær að engin skólagjöld væru í ríkisskólunum.  Hins vegar þyrfti þá að koma til móts við einkaskóla á borð við Waldorfskólann og aðra sem eru nauðsynlegir til að viðhalda einhverri breidd í menntakerfinu.

[Hlynur Hallsson, 18.4.2008 kl. 09:30]

Takk fyrir þessar áhugaverðu upplýsingar Ransu og ég er sammála þér að það þarf að auka fjölbreytni í skólakerfinu og Waldorfskólarnir eru til fyrirmyndar.

Ég ætlaði nú ekki að móðga neinn og allra síst Gísla félaga minn. Merki Samfó er hinsvegar alveg tilvalið til að snúa því, það er hvort sem er speglað. Afar áhugavert og mjög skemmtilegt. Ég fékk enga athugasemd þegar ég setti fálka Sjálfstæðisflokksins á hvolf. Enda menn þar öllu vanir því Mogginn málaði hann grænan fyrir síðustu kosningar sem ef til vill flokkast sem móðgun eða þá bara blekking.

En það skiptir mestu að hugafarið sé jákvætt. 

Bestu kveðjur, 

[Jón Ingi Cæsarsson, 20.4.2008 kl. 00:11]

Hlynur...aðeins eitt orð til um þennan pistil þinn....... þvaður !!