Myndlist marg borgar sig

Það er alltaf gaman að því að sjá þegar listaverk eru að seljast á uppboðum fyrir met upphæðir. Sýnir okkur enn og aftur að það er þess virði að standa í þessu:) Mikil verðmætasköpun í gangi. Sérstaklega ánægjulegt að þetta á við um núlifandi listamenn en ekki bara látna.

Það er líka gaman að því hvað hún Sue Tilley, sem er fyrirsætan á þessu ljómandi málverki Lucien Freud er ánægð með það og tekur þessu öllu vel. Hún má líka vera stolt. 

Hér er grein ágæt grein af TimesOnline um málið.

Sá sjálfa sig á rándýru málverki

Athugasemdir

[Ásgeir Kristinn Lárusson, 18.4.2008 kl. 11:34]

Hvers virði er eitt mannslíf - $35 millj. ? Held að myndlist og menning almennt fari ekki að borga sig fyrr en hún verði gefin frjáls og ÖLLUM aðgengileg ;)

[Edda Agnarsdóttir, 18.4.2008 kl. 18:10]

Skondið

[Magnús Geir Guðmundsson, 18.4.2008 kl. 21:17]

Blessaður Hlynur minn!

Mér fannst þetta mjög umhugsunarvert þegar ég las þetta. Ekki bara frá sjónarhóli ykkar myndlistarmannanna heldur líka konunnar. Að minnsta kosti finndist mér hún siðferðislega eiga einhvern hlut inni hjá listamanninum meiri en þessa smáupphæð sem hann greiddi henni í upphafi. Þetta er nú slík upphæð, að ég myndi allavega lauma að henni svona einni millu af þessum þrjátíu og fimm eða hvað þetta var nú!

Og svo má alveg spyrja, er ein mynd af nakinni konu virkilega slíkra peninga virði?

[Hlynur Hallsson, 19.4.2008 kl. 13:20]

Sæll Magnús. Listamaðurinn fær nú ekki mikið fyrir sinn snúð í þessu tilfelli enda á hann ekki lengur myndina. Þetta er því dæmi um hvernig verðmætasköpun verður til en endar ekki í vasa þeirra sem að verkinu stóðu. Svona er nú það. En ég er sammála þér að hún Sue ætti skilið að fá  prósentur af þessu.

Já, myndin er greinilega þess virði.

Og sem betur fer er ókeypis á flest söfn Ásgeir og auðvitað á myndlistin að vera öllim aðgengileg. 

Bestu kveðjur,