Tónleikar til styrktar tónlistarstarfi palestínskra barna

Styrktartónleikar sumardaginn fyrsta í Nesskirkju
- Einleikarar: Bryndís Halla Gylfadóttir og Víkingur Heiðar Ólafsson

Tónleikar verða haldnir sumardaginn fyrsta (fimmtudaginn, 24. apríl) til styrktar tónlistarstarfi palestínskra barna í Balata flóttamannabúðunum, en búðirnar eru þær stærstu á Vesturbakkanum. Einleikarar á tónleikunum verða Bryndís Halla Gylfadóttir (selló) og Víkingur Heiðar Ólafsson (píanó). Auk þeirra leikur kvartett skipaður Arngunni Árnadóttur (klarinett), Hákoni Bjarnasyni (píanó), Huldu Jónsdóttur (fiðla) og Karli Jóhanni Bjarnasyni (selló).

Tónleikarnir verða haldnir í Neskirkju kl. 20 en aðgangseyrir (1500 kr.) mun renna óskiptur til málefnisins.

Þeim sem vilja styrkja söfnunina frekar er bent á reikningsnúmer 311-13-700826, kt. 280484-3429.

Félagið Ísland-Palestína 

www.palestina.is 

Forsetafundur á Bessastöðum

Athugasemdir

[Jórunn Sigurbergsdóttir , 22.4.2008 kl. 19:18]

Þetta er gott framtak.

[Guðmundur Auðunsson, 23.4.2008 kl. 10:21]

Mjög gott framtak. Tónlist getur gert kraftaverk. Sem dæmi má taka snillinginn og mannvininn Daniel Barenboim hefur gert meira til að byggja brýr milli Palestínumanna og Ísraela með tónlistarsamvinnu sinni en flestir aðrir.