1,8% stuðningur við borgarstjórann

Ólafur F. Magnússon nálgast botninn. Það hlýtur að vera nýtt met að innan við 2% kjósenda ætli að kjósa sitjandi borgarstjóra. Það athyglisverðast við þessa könnun fyrir utan að hún er birt þremur vikum eftir að hún var gerð er að um 30% ætla að kjósa íhaldið þrátt fyrir að þar standi ekki steinn yfir steini. En sennilega gerir fólk þetta bara af gömlum vana. Vinstri græn geta vel við unað með um 19% en ættu auðvitað að fá enn meira ef kosið yrði núna. Samfó er búin að toppa, til lukku með það.

Fylgi Sjálfstæðisflokks minnkar mikið í Reykjavík

Athugasemdir

[Haukur Nikulásson, 14.5.2008 kl. 10:49]

Hlynur þú ofmetur stórlega stuðninginn við Ólaf. Hann er nefnilega ekki á vegum Frjálslynda flokksins. Stuðningurinn við hann mælist því alls ekki!

[Ísleifur Egill Hjaltason, 14.5.2008 kl. 11:54]

Mér kæmi bara alls ekki á óvart þótt að við í VG fengjum aukamann á kostnað íhaldsins ef kosið yrði nú, fólk þyrfti að hugsa sig mikið um áður en þeir kæmu nálægt þeirri vitleysu og valdagræðgi.

[Þorsteinn Ingimarsson (IP-tala skráð) 14.5.2008 kl. 20:37]

svakalega vona ég að villi kolla verði borgarstjóri aftur til að viðhalda vitleysunni, annars geta hinir svo sem gert það líka

[Linda Samsonar Gísladóttir, 15.5.2008 kl. 18:20]

Eins og málin standa, þá eru borgarmálin alger farsi í mínum augum.

Ég held að þessu hljóti að linna fljótlega, við verðum að fá stöðugleika og áreiðanlegt fólk til valda í Reykjavík.  Í augnablikinu líst mér best á Dag, þó ekki hafi hann fengið tækifæri til að sanna sig enn. 

[Magnús Geir Guðmundsson, 15.5.2008 kl. 19:03]

Því miður fyrir borgarbúa, þá er þetta nú bara könnun og mikið vatn á eftir að renna til sjávar áður en að því kemur.

Ekki góður siður að hreykja sér af góðum tölum í skoðanakönnunum, á vþí hafa margir farið flatt á!

En þetta er jú meiri Sirkúsinn í Reykjavíkinni, ekki vantar það!

[Magnús Geir Guðmundsson, 15.5.2008 kl. 19:05]

"að kosningum kemur" átti þetta að vera.

[Steinunn Helga Sigurðardóttir, 16.5.2008 kl. 17:42]

þetta er bara föstudagskveðja til þín og þinna kæri hlynur vinur !

steina 

[Hlynur Hallsson, 16.5.2008 kl. 23:03]

Kæra Steina. Ég er í Köben en fer áfram til Berlínar á morgun. Bestu kveðjur til ykkar allra,

[Sigrún Jóna (IP-tala skráð) 18.5.2008 kl. 14:24]

Það eru kosninga á 4 ára fresti. Eftir þeim er farið.

Það væri nú meiri ruglingurinn ef skoðandakannanir hefðu eitthvað um stjórnarsetur flokka eða manna að gera.