Kvikyndi stendur fyrir grískri veislu

Kvikmyndaklúbburinn Kvikyndi á Akureyri stendur fyrir mikill kvikmyndaveislu með myndum sem maður fær ekki tækifæri til að sjá á hverjum degi. Og nú er komið að grísku myndinni "Mia aioniotita kai mia mera" (Ein eilífð og einn dagur/Eternity and a day) frá árinu 1998. Hún verður sýnd sunnudaginn 8. júní kl. 16:00 í Sambíóinu á Akureyri.

Myndin Mia aioniotita kai mia mera/Ein eilífð og einn dagur/Eternity and a day (1998) er eftir gríska leikstjórann Theo Angelopoulos. Dómnefndin í Cannes var einróma sammála um að veita þessari mynd Gullpálmann 1998. Hún fjallar um gamlan rithöfund sem hefur fengið að vita frá lækni sínum að hann eigi aðeins stuttan tíma ólifaðan. Daginn eftir á hann að leggjast inn á sjúkrahús og ekki eiga afturkvæmt en þá hittir hann ungan strák sem hann ákveður að rétta hjálparhönd.

Lengd 132 mínútur

Miðaverð er aðeins 500 krónur. Allir að mæta!

Athugasemdir

[Gísli Baldvinsson (IP-tala skráð) 6.6.2008 kl. 09:52]

Skolli. Hátíð í Hrísey á sama tíma. Engin smuga um fleiri sýningar?

[Lísa Margrét Kristjánsdóttir (IP-tala skráð) 6.6.2008 kl. 10:16]

Það væri nú æðislegt ef sjónvarpið hefði metnað til að sýna eitthvað annað en þessa Hollywood froðu sem dynur yfir okkur allar helgar.

Svona kvikmydahátíðir eru frábærar en því miður of fáar. Ég myndi svo sannarlega skella mér í bíó ef eg væri fyrir norðan