Sturlu er alveg sama um Akureyrarflugvöll

Sturla Böðvarsson hefur haft nægan tíma til að setja lengingu Akureyrarflugvallar í framkvæmd en hann hefur bara engann áhuga á því. Hann hefur engann áhuga á því að það verði stundað beint millilandaflug til og frá Akureyri. Þetta kom berlega í ljós í svari hans þegar ég spurði hann um þessi mál á þingi fyrir tveim árum. Hann svaraði bara með skætingi og útúrsnúningi. Það er gott að jafnvel Halldór Blöndal sé búinn að átta sig á þessu metnaðarleysi flokksfélaga síns. Bloggfélagi minn Stefán Friðrik mikill Sjálfstæðisflokksmaður bendir einnig á þetta getuleysi Sturlu í bloggi í dag.
Sturla hefur hummað þetta mál fram af sér í þrjú ár og frekar staðið í vegi fyrir beinu millilandaflugi til og frá Akureyri. Þessi ríkisstjórn hefur einnig frestað framkvæmdum við bílastæði flugvallarins vegna þenslu! Svo nú er megnið af því eitt forarsvað. Það þarf að skipta um samgönguráðherra og ríkisstjórn. Þegar Vinstri græn komast í ríkisstjórn mun þessum hlutum verða kippt í lag og flugbrautin lengd og Vaðlaheiðargöng boruð. Þetta á að gera á sama tíma og nota efni úr göngunum sem undirlag fyrir flugbrautina. Steingrímur J. Sigfússon benti á þetta meðal annars í umræðunni á þinginu í dag. Hann sagði:
"Ég vona sannarlega að þegar samgönguáætlun loksins birtist á borðum okkar þingmanna, sem vonandi verður fyrr en síðar, verði báðar þessar framkvæmdir þar inni, þ.e. lenging Akureyrarflugvallar og Vaðlaheiðargöng, og gert ráð fyrir því að hægt verði að vinna þær saman með þeim hætti sem ég hef lýst og er augljóslega hagkvæmt."
Það er svo frekar vandræðalegt að hlusta á bæjarstjórann hér á Akureyri sem nú er í framboði ásamt tannlækni á Húsavík vera með miklar yfirlýsingar um þessi mál. En D-flokkurin hefur haft 16 ár til að gera eitthvað og við nennum ekki að bíða lengur og þessvegna kýs fólk Vinstri græn í vor.

Lenging flugbrautar á Akureyrarflugvelli rædd á Alþingi

Athugasemdir

[Hlynur Hallsson, 16.11.2006 kl. 13:41]

Sæll Bjarki
takk fyrir þessa viðbót. Þetta er hárrétt hjá þér, ef menn eins og Sturla hefðu fengið að ráða hefði Háskólinn á Akureyri sennilega aldrei verið stofnaður. Sturla vill bara hafa einn millilandaflugvöll og hann skilur ekki hvaða möguleikar ferðaþjónustan hér á Norðurlandi og á Austurlandi eiga með beinu flugi frá Akureyri og Egilsstöðum. Svo eg tali nú ekki um hagræðinguna fyrir íbúa svæðisins og útflytjendur. Þessi miðstýringarárátta Sjálfstæðisflokksins er óþolandi. Ég bendi þér einnig á umræður við fyrirspurn minni til Sturlu fyrir tveim árum, í des. 2003 um beint millilandaflug frá Akureyri. Þar snýr Sturla útúr spurningu minni og fer að tala um "ríkistyrkt flug". Gjörsamlega útí hött og þreytandi málflutningur hjá þessum ráðherra Sjálfstæðisflokksins sem er því miður metnaðarlaus svo vitnað sé aftur í Halldór Blöndal!
Bestu kveðjur,