Kaldhæðnislegt

Það verður að teljast í meira lagi kaldhæðnislegt að "markaðurinn" gleðjist yfir uppsögnum fólks. Þessi markaður er svo auðvitað myndaður af einhverjum hlutabréfaspekúlöntum. Já, eitthvað óhugnanlegt að það hlakki í einhverjum en á hinn bóginn eðlilegt ef menn halda að ástandið muni batna ef Icelandair rifar seglin og lækkar flugið. Þá loksins fari fyrirtækið að skila hagnaði. Fyrir nokkrum mánuðum þegar allt var á uppleið kættust sumir ógurlega yfir allri útrásinni en nú eru breyttir tímar og menn kætast yfir samdrætti. Ég get ekki alveg samfagnað og auðvitað er þetta sárt fyrir fólk sem missir vinnuna.

Uppsagnir gleðja markaðinn

Athugasemdir

[Edda Agnarsdóttir, 23.6.2008 kl. 14:10]

Þetta er hreint út sagt ömurlegt! Ég er miður mín enda þekki ég nokkra á þessum vinnustað. En það eru ótal margir sem hafa misst vinnuna undanfarið sem fer hlótt um og margt af því er bara ekki í neinum takt við manneskjulegheit!

Stíllinn við þessar uppsagnir er svo harðneskjulegur og ógeðfelldur og það er skrýtið að það eru engar opinberar umræður um þær uppsagnir.

Ein dæmisaga: Háskólamenntaður maður með tæknimenntun var sagt upp á dögunum hjá einkafyrirtæki og gengið til hans að tölvunni og honum gert að yfirgefa svæðið samstundis og þarf ekki að mæta aftur! Viðbrögðin eru oftast að taka saman dótið sitt og  fara í tölvuna, (kannski eitthvað prívat) nei, hann mátti ekki gera það!

Ástæðan, jú hann getur eyðilagt eitthvað í hefndarskyni.

[Baldur Fjölnisson, 23.6.2008 kl. 18:48]

Látiði ekki svona, mogginn tekur bara svona til orða.

Félagið segir upp böns af fólki og lækkar þannig rekstrarkostnaðinn sem þýðir mjög líklega að það fer seinna á hausinn en áður var talið og því dekka menn sín sjort í bili. Þetta er ekki spurning um sorg eða gleði heldur viðskipti. Þetta er markaður. Menn eru ekki að braska þar í góðgerðaskyni fyrir náungann.