Björgum Þjórsá

Flott hjá þingflokki Vinstrihreyfingarinnar – græns framboðs að skora á Samfylkinguna að standa í lappirnar. Það er hægt að koma í veg fyrir þetta slys og Össur getur gert það ef hann vill. Það verður að bjarga Þjórsá frá álbræðslunum. Landsvirkjun ætlar að valta yfir fólk og náttúru á skítugum skónum en Vinstri græn eru tilbúin til að hjálpa Samfó að koma í veg fyrir það og þá getur Samfylkingin loksins staðið við kosningaloforðin sín. Ef ekki þá er endanlega ekkert að marka allt þeirra hjal um "Fagra Ísland".

Í fréttinni á mbl.is segir meðal annars:

"Þingflokkur VG minnir á að ríkið á vatnsréttindin við Þjórsá og Alþingi hefur ekki gefið neina heimild til framsals eða sölu á þessum réttindum til Landsvirkjunar. Það er ósvífið af hálfu Landsvirkjunar, og vanvirðing við Alþingi, að veifa þessum vatnsréttindum sem einkaeign fyrirtækisins og knýja þannig á um samninga og virkjanir.Sömuleiðis er það ósvífið af ríkisstjórninni að sitja hjá á meðan þessu fer fram og halda þannig til streitu ólýðræðislegum vinnubrögðum. Björgvin G. Sigurðsson ráðherra, sem lofaði því þráfaldlega fyrir kosningar að bjarga Þjórsá, tekur nú glaðbeittur skóflustungu að álveri í Helguvík og ríkisstjórnin leyfir Landsvirkjun áfram að haga sér eins og ábyrgðarlaust ríki í ríkinu. VG skorar á Björgvin að standa við fyrri loforð og hvetur um leið Þórunni Sveinbjarnardóttur umhverfisráðherra til að beita sér í málinu af öllu afli og gefast ekki upp fyrr en sigur er unninn," að því er segir í tilkynningu."

VG: Vilja bjarga Þjórsá

Athugasemdir

[Sigurjón, 26.6.2008 kl. 01:40]

Jamm, vitleysa.  Hún kemur oft frá VG...

[Örvar Þór Kristjánsson, 26.6.2008 kl. 20:50]

Hugmyndir eða lausnir koma aldrei frá VG.  Aldrei.  Virkja þjórsá er einfaldlega nauðsynleg fórn.  Álver á Bakka virðist nú loksins vera komið á fullan swing enda brýn þörf á þeim framkvæmdum í þessu ástandi.  Framkvæmdir í Helguvík eru hafnar sem er ánægjulegt.  Það verður ekki komið í veg fyrir þetta, fáir hlusta eða taka mark á fjasinu í VG.  Sem betur fer.

[Hlynur Hallsson, 26.6.2008 kl. 23:17]

Alltaf "málefnalegir og hressir" nöldurseggir Sigurjón og Örvar. Sem betur fer tala þeir fyrir munn örfárra.

Bestu kveðjur,

[Sigurjón, 27.6.2008 kl. 01:02]

...og þú byggir það á hvaða forsendum?

Annars er Þjórsá nú þegar margvirkjuð hvort eð er.  Þú ert kannske líka með einhverja töfralausn á viðsnúningi efnahaxástandsins? 

[Hlynur Hallsson, 27.6.2008 kl. 09:25]

Já, Sigurjón. Vinstri græn komu strax í byrjun mars með tillögur að lausnum við efnahagsvandanum. Hér getur þú lesið um þær fyrst þetta fór fram hjá þér.

Bestu kveðjur,

[Sigurjón, 28.6.2008 kl. 05:23]

Þú sagðir: ,,Sem betur fer tala þeir fyrir munn örfárra." Ég vil vita á hvaða forsendum þú byggir þessa setningu.

Varðandi tillögur VG veit ég ekki hvort eigi að hlæja eða gráta.  Að vísu eru örfáar þarna innan um með viti, enda hefur ríkisstjórnin nú þegar farið í að auka gjaldeyrisforðann og gefa út skuldabréf.  Hinar tillögurnar, m.a. að verja svo og svo miklu í nýsköpunarsjóð (sem er allsendis óvíst hvort eitthvað komi út úr) og stöðva stóriðjuframkvæmdir eru út í hött.  Að efla sveitarfélögin er svosem líka gott og gilt, en leysir ekki efnahagsvandann hjá fyrirtækjum landsins. 

[Sigurjón, 1.7.2008 kl. 02:48]

Jæja, á ekkert að svara?

[Hlynur Hallsson, 1.7.2008 kl. 09:05]

Ég held og vona að þú Sigurjón talir fyrir hönd örfárra þegar kemur að umhverfis-, virkjana- og stóriðjumálum. Það er ekkert flóknara.

Svo ræður þú sjálfur hvort þú hlærð eða grætur yfir góðum tillögum sem hefðu virkað ef gripið hefði verið í taumana strax í mars í staðinn fyrir að humma hlutina fram af sér.

Þessar aðgerðir hefðu komið fólkinu í landinu, sveitarfélögunum og fyrirtækjum til góða.

Bestu kveðjur,

[Sigurjón, 2.7.2008 kl. 01:54]

Það er m.ö.o. ekkert flóknara en svo að þú hafir ekki hugmynd um hvað þú ert að tala.  Þú ert góður myndlistarmaður (eftir því sem ég hef séð af verkum eftir þig), en í pólitískri umræðu algerlega úti á túni.  Kröftum þínum væri betur varið í meiri myndlist, minni pólitík...

[Sigurjón, 2.7.2008 kl. 01:56]

...og svo það sé á hreinu ætlar LV ekki að selja þessa orku í álbræðslu.  Það er þegar vitað.  Fyrir utan þá staðreynd að Þjórsá er nú þegar margvirkjuð og stífluð...

[Hlynur Hallsson, 2.7.2008 kl. 12:53]

Sæll Sigurjón. Ég veit alveg um hvað ég er að tala en við þurfum ekki að vera sammála um hlutina, það er bara eðlilegt.

Ég get svo glatt þig með því að ég er einmitt að einbeita mér að myndlistinni um þessar mundir og er að opna sýningu hér í Dubrovnik í kvöld. Stjórnmálin eru áhugamál.

Bestu kveðjur,