Stórkostlegir tónleikar - myndband

Takk fyrir frábæra tónleika. Yfir 30.000 manns komu sem er meiriháttar. Ég vek athygli á flottum vef náttúra.info með miklum upplýsingum meðal annars um hverju þyrfti að fórna fyrir fyrirhugaðar álbræðslur og olíuhreinsistöð. Við getum stoppað þetta og bjargað íslenskri náttúru. Skiptum um ríkisstjórn!

Óður til náttúrunnar í Laugardal

Athugasemdir

[Ragga (IP-tala skráð) 29.6.2008 kl. 00:15]

Ég hoppaði svo mikiið þegar að þetta lag var flutt, það er skemmtilegt og mér var smá kalt. Bara gaman.

[arnar valgeirsson, 29.6.2008 kl. 00:29]

var einmitt að setja inn smá um tónleikana, og þá helst um trailerinn af mynd þorfinns eftir bók andra snæs.

og svo er bara að virkja goðafoss jamm. og taka upp dollar....

en já, skiptum um ríkisstjórn og pælum aðeins lengra fram í tímann en bráðabirgðareddingar fyrir bankastjóra og auðmenn.

sá bara sigurrós og björk og hún var frábær.

[Ásdís Sigurðardóttir, 29.6.2008 kl. 14:28]

Segið mér þá,ef þið nennið, hvaða hugsanlega stjórn gæti tekið við og hvað það er sem þeir mundu gera fyrir okkur. Í mínum huga var þetta 1.57 mín af engu, mér hefur aldrei tekist þrátt fyrir heiðarlegar tilraunir að finnast gaman af þessum tónlistarmönnum, þó hefur Sigurrós snortið streng en hann brast. 

[Hlynur Hallsson, 29.6.2008 kl. 17:47]

Bara sorglegt fyrir þig Ásdís... en þú skalt þá bara hlusta á tónlist sem þér finnst skemmtileg.)

Ríkisstjórn sem hugsar lengra fram í tímann en fjögur ár og hugsar um fólkið í landinu en ekki bara peningakarlana og stórfyrirtækin. Mín óskastjórn er Vinstri græn og Samfó.

Bestu kveðjur,

[Ásdís Sigurðardóttir, 29.6.2008 kl. 20:53]

Get tekið undir að ég væri alveg til í að sjá ríkisstjórn sem væri með VG og Samfó. alveg til í að prófa það. Ég er reyndar ekkert sorgmædd yfir þessari tónlist, það er til hellingur af öðru sem ég hef gaman af, en ég er stolt af því hversu vel þetta unga fólk hefur komið sér áfram í heiminum.  Kær kveðja

[Valsól (IP-tala skráð) 29.6.2008 kl. 22:55]

VG og Samfó, gott mál. Bara losna við spillingarflokkinn. Ég kaus einu sinni Sjálfstæðisflokkinn en ég er búinn að átta mig á því hvurslags spillingar maskína þetta er. Ég hef sagt það áður að ég myndi frekar láta slíta af mér handlegginn og láta flengja mig með honum frekar  en að setja x við D. Ef maður vill vera samkvæmur sjálfum sér og heiðarlegur þá ver maður ekki hvern spillingar gjörninginn á fætur öðrum sem þessi flokkur gerir. Sala eigna ríkisins, kvótakerfið og mannaráðningar. Hvernig getur fólk varið þessa gjörninga þó svo þeir séu eða hafi kosið Sjálfstæðisflokkinn? Ég er búinn að fá upp í kok af þessum flokki og hans verkum, það er hver skandallinn sem rekur annan og samt koma þessi 40% á fjögurra ára fresti og verðleuna mennina fyrir óréttlætið og moksturinn undir auðmennina. 25% af þeim sem kjósa spillingarflokkinn eru verkamenn og 33% eru sjómenn. Talandi um að skjóta sig í lappirnar. Sjómenn hafa dregist svo aftur úr í launum að fáar stéttir hafa þurft að þola annað eins. Verkfallsrétturinn hefur verið tekinn af þeim með lögum hvað eftir annað. En samt koma þessi 33% samviskusamlega og setja x-ið sitt við D á fjögurra ára fresti. Ótrúlegt. Fyrir utan þá sjómenn sem þurfa að leigja kvóta frá auðmönnum á okurprís, ótrúlegt. En eins og ég sagði, þá kaus ég Sjálfstæðisflokkinn einu sinni, en ég mun aldrei í lífinu gera það aftur.

[Ásdís Sigurðardóttir, 29.6.2008 kl. 23:29]

Ég hef kosið Framsókn, Alþýðubandalagið og Sjálfstæðisflokkinn í gegnum tíðina, tíunda ekki hverja hvenær en það væri alveg óhætt að mínu mati að hvíla sjálfstæðismenn og sjá hvað kemur út úr því, spilling er vond og ég get alveg viðurkennt að sjálfst.menn hafa ekki verið að gera góða eða heiðarlega hluti síðustu árin.  Kannski erum við ekki svo ósammála eftir allt.

[Hlynur Hallsson, 30.6.2008 kl. 08:34]

Já Ásdís, við erum sennilega sammála um fleira en okkur grunar. Bara ekki með sama tónlistarsmekk:) Bestu kveðjur,