Skelfilegt ástand í Írak

Það er óhugnanlegt að horfa uppá daglegar limlestingar í Írak. Það ætti öllum að vera ljóst að borgarastyrjöldin í landinu fer stigvaxandi. Það vissu allir sem vildu eitthvað vita að svona myndi þetta fara. Það var því ömurlegt að lesa svör frambjóðenda Sjálfstæðisflokksins i Reykjavík þar sem þau studdu öll ólöglega ákvörðun Davíðs Oddssonar og Halldórs Ásgrímssonar um að setja okkur á lista innrásarþjóðanna með Bandaríkjamönnum og Bretum. Við skulum muna eftir því þegar við kjósum okkur fulltrúa á þing í vor.

Fórnarlömb sprengjuárásanna í Bagdad borin til grafar; tala látinna komin yfir 200

Athugasemdir

[Sveinn Arnarsson, 24.11.2006 kl. 14:02]

Borgarastyrjöldin er orðin hrikalega hörð, en hægri menn allstaðar í heiminum segja aðeins að Írak sé á barmi borgarastyrjaldar. 

[Hlynur Hallsson, 25.11.2006 kl. 09:21]

Sæll Svenni,

auðvitað hljóta allir að viðurkenna að það er borgarastyrjöld í Írak, jafnvel hægrimenn á Íslandi. En það er sorglegt að þeir viðurkenni ekki að það var klárlega röng ákvörðun að ráðast inn í landið í slagtogi við Bush og Blair. Þó sá ég að nokkrir framjóðenda Sjálfstæðisflokksins í prókjörinu hér í NA-kjördæmi fylgja ekki línu foringjanna og viðurkenna að þetta var röng ákvörðun. Batnandi mönnum er best að lifa en ég efast þó um að þau læri nokkuð af þessu. Bestu kveðjur,