Redda þessu NÚNA!

Flott hjá barnshafandi konum að mótmæla! Auðvitað á ríkið pening til að greiða ljósmæðrum hærri laun. Allt annað er bara bull í Árna Matt. Það er til háborinnar skammar að ljósmæður skuli þurfa að fara í verkfall og hóta uppsögnum til að fá augljósa leiðréttingu á sínum kjörum. Það á að semja við þær núna strax og ef Árni Matt getur það ekki þá hefur hann ekkert að gera lengur sem ráðherra, segja honum upp og fá einhverja aðra (konu) í starfið. Allavega einhvern sem hefur snefil af sómatilfinningu.

Ég skrifaði smá pistil um þessi mál áður en allt var komið í óefni en nú er manni nóg boðið. Árni Matt varð sér til ævarandi skammar í gær þegar hann svaraði illa fyrirspurn Katrínar Jakobsdóttur á þinginu í gær.

Áfram ljósmæður og feður og mæður!

Þungaðar konur mótmæla

Athugasemdir

[Liberal, 4.9.2008 kl. 14:27]

Og hvernig er það, Hlynur, þegar ljósmæður hafa samið á undanförnum árum, hafa þær þá ekki skrifað undir samninga?  Ekki hafa þær áður farið í verkfall.

Þannig að ef þú ert kona, þá máttu semja um hvað sem er, en halda samt áfram að kvarta og kveina og kenna öðrum um ef þú færð ekki það sem þú vilt?  Annars hafa ljósmæður staðið sig vel í þessari baráttu og bjánalegu ummælin hafa fyrst og fremst komið frá Kommúnistaflokknum, þar sem verið er að snúa þessu upp í einhvers konar karlaveldi gegn konum.  

Staða umönnunarstétta, launalega séð, er niðurstaða sósjalísks kersi sem kallast "collective bargaining".  Það þýðir að hópur fólks lætur semja fyrir sig út frá hópaviðmiðunum en ekki einstaklings.  Sem svo þýðir að gæði einstaklinganna innan hópanna skipta engu þegar kemur að launum hvers og eins, heldur hlutir eins og fjöldi kennslustunda í námi, starfsaldur og annað.  Það er sem sagt tekið tillit til alls annars en þess hversu góður starfskraftur viðkomandi er.

Dæmi um þetta eru kennarar.  Það fá allir kennarar sömu laun fyrir að kenna sama bekk, sama í hvaða skóla þeir eru.  Eðli málsins samkvæmt fá þá góðir kennarar lægri laun en þeir eiga skilið og lélegu kennararnir betri laun en þeir eiga skilið.

Sama á við um ljósmæður.  Það eru til frábærar ljósmæður sem eiga að fá miklu hærri laun en þær fá í dag, og svo eru til ljósmæður sem eiga nákvæmlega ekkert erindi í þetta starf, eru óhæfar truntur.  En kerfið sem þú, Hlynur, og aðrir kommar aðhyllast er að það verði að borga þessum konum sömu laun.  Og þá hættir konan sem er hæf í sínu  starfi og fer þar sem launin eru hærri og hennar framlag betur metið, en lélega konan berst fyrir því með oddi og egg að halda sínu og vill alls ekki láta skoða sig á einstaklingsbasis.

Lausnin á "launavanda umönnunarstétta" er að leysa þessar stéttir úr viðjum verkalýðshreyfinga og collective bargaining, og láta meta framlag hvers og eins starfsmanns um sig.  Þannig geti tvær ljósmæður verið á sömu vakt og gengt sömu skyldum, en önnur með mun hærri laun en hin því hún er einfaldlega betri starfskraftur í alla staði.

Það verður aldrei útskýrt nægjanlega af hverju þið kommar eruð á móti því að einstaklingar fái greidd rétt laun í samræmi við framlag þeirra og getu.  Og af hverju þið viljið ólm halda óhæfu fólki innan starfsstétta í nafni verkalýðsbaráttu.

Það verður ekki fyrr en hætt verður að hlusta á kommarausið og skynsemi sett í forgang sem laun fólks lagast, og þá er lausnin ekki að hækka alla, heldur hækka þá sem eiga það skilið og lækka þá sem eiga ekkert erindi í störfin. 

[Úrsúla Jünemann, 4.9.2008 kl. 14:39]

Loka á þessar gagnslausa hernaðaræfingar og nota peningar í að borga ljósmæðrunum kaup við hæfi. Það er ekki flóknara en það!

[Lára Hanna Einarsdóttir, 4.9.2008 kl. 15:22]

Ég setti saman myndband tilo stuðnings ljósmæðrum:  www.larahanna.blog.is.

Bendi á að allir geta náð í það hingað og sett það inn hjá sér:
http://www.youtube.com/watch?v=9k6AF7p3LdM

[Húnbogi Valsson (IP-tala skráð) 5.9.2008 kl. 07:51]

Á sama tíma og stjórnvöld eru með stífni gagnvart skiljanlegum kröfum sinna starfsmanna þá henda þau  hundrað milljónum króna á einni helgi í tilgangslausar æfingar með útlendum herjum. Já þetta er nú meiri furðufuglaríkisstjórnin.