Ég myndi ekki kjósa hana aftur

Það er að segja ef ég hefði kosið Sjálfstæðisflokkinn (Sjálftökuflokkinn), sem ég hef sem betur fer ekki gert hingað til og mun vonandi aldrei slysast til að gera. En Þorgerður Katrín léti skattgreiðendur sennilega einnig borga fyrir maka sinn aftur og aftur svo lengi sem hún gæti. Enn ein ástæðan til að gefa íhaldinu langt og verðskuldað frí (launalaust!)

Myndi taka þessa ákvörðun aftur

Athugasemdir

[Ásgrímur Hartmannsson, 9.9.2008 kl. 22:22]

Við hverju býst þú af pólitíkusi?

[Magnús Geir Guðmundsson, 9.9.2008 kl. 23:35]

SVarið við því sem spurt er um hér að ofan, er einfalt. Frúin hefur meiri áhuga á handbolta en íþróttum fatlaðra! En Jóhanna skellti sér og mér þykir nú bara svolítið vænt um það út af fyrir sig!

[Doddi - Þorsteinn G. Jónsson (IP-tala skráð) 10.9.2008 kl. 01:38]

Málefni fatlaðra heyra undir félagsmálaráðuneytið, og því finnst mér ekkert óeðlilegt að Jóhanna hafi farið út á þessa leika, meðan Þorgerður Katrín fór á Ólympíuleikana hina. Ég er ekki sjalli og hef ekki kosið Þorgerði og hennar flokk, og kem ekki til með að gera það. En ég nenni ekki að velta vöngum yfir öllum krónum sem þessir blessuðu ráðherrar okkar eyða í ferðalög.

Í dag las ég grein þar sem fram kom að Björn Bjarnason hefði verið yfir 60 daga í utanlandsferðum þetta árið ... hver er kostnaður á bak við það? Og nú eru t.d. blaðamenn á Washington Post að kanna hvort Sarah Palin úti í Bandaríkjunum hafi veitt sér dagpeninga fyrir yfir 300 daga þrátt fyrir að vera heima... ég held að við séum ágætlega sett hvað varðar ferðakostnað ráðherranna okkar.

Málið er ofboðslega einfalt fyrir mér: Tveir ráðherrar skipta þessum leikum á milli sín, eru fulltrúar sinnar ríkisstjórnar í hvort skipti, og allir ánægðir!

Svo finnst mér svolítið fyndið þegar aðili utan Sjálfstæðisflokksins (þú í þessu tilfelli) þykist geta sagt að hann myndi ekki kjósa Þorgerði aftur ef hann hefði verið sjalli og kosið hana áður. Hvernig er hægt að segja þetta, þegar maður er hatrammur andstæðingur Sjallanna?

Kærar kveðjur,

          Doddi

[Hilmar Dúi Björgvinsson, 10.9.2008 kl. 11:03]

Tómas! um hvern ertu að tala?

[Hlynur Hallsson, 11.9.2008 kl. 10:28]

Ég þekki engann "sem notar stéttarfélagið þar sem hann er formaður til framgangs pólitískrar stefnu sinnar" Tómas. Er ekki betra að nefna nöfn í stað þess að vera með þessar dylgjur?

Bestu kveðjur,

[Magnús V. Skúlason, 11.9.2008 kl. 12:05]

Ögmundur Jónasson og BSRB, svona, takk fyrir, engar dylgjur lengur!

[Hlynur Hallsson, 11.9.2008 kl. 13:26]

Ögmundur notar ekki BSRB til framgangs pólískrar stefnu sinnar. Ögmundur er hinsvegar öflugur talsmaður launþega í þessu landi og BSRB eitt fárra verkalýðsfélaga sem er að gera eitthvað fyrir fólkið í landinu.

Það að Ögmundur sé einnig mikill hugsjónamaður og duglegur alþingismaður er bara af hinu góða.

Bestu kveðjur,

[Sigrún Jóna (IP-tala skráð) 11.9.2008 kl. 21:15]

Það var bara Jóhönnu sem var boðið, ekki öðrum ráðherrum. Svo þykir mér ekkert verra að hinir haldi sig á landinu svona öðru hvoru

En af hverju les ég alltaf einhvern Akureyrarhroka, þegar ég dett inná bloggsíður sumra á Akureyri?  Er einhver minnimáttarkennd í gangi, þarna fyrir norðan, í minni fyrrum heimasveit?