Rússar bjarga Íslandi!

Einkennilegt ástand í þessu landi okkar. Þegar útrásardrengirnir eru að verða búnir að setja bankana (sem þeir fengu gefins fyrir nokkrum árum) á hausinn og hafa dregið þjóðina með þá eru það Rússar sem eru þeir einu sem vilja lána okkur pening og redda okkur þar með (í bili).

Seðlabankinn fær lán frá Rússlandi

Athugasemdir

[Skaz, 7.10.2008 kl. 08:59]

Ég held að ríkið ætti að breyta merki Glitnis líkt og er á þessari mynd bara til að heiðurs rússunum :)

[Ásgeir Kristinn Lárusson, 7.10.2008 kl. 09:13]

Táknrænt fyrir pólskiftin, sem eiga sér stað í fjármálaheiminum. Bandaríkska „heimsveldið“ er á útleið með sinn verðlausa dollara. Vonum bara, að þetta verði til góðs og að ekki fylgi olíuhreinsistöðvar útum allt land þessum pakka.

[Vésteinn Valgarðsson, 7.10.2008 kl. 09:16]

Já, eða flotastöð eða eitthvað.

[María Kristjánsdóttir, 7.10.2008 kl. 09:37]

Sem sagt rússneski björninn mættur- fyrir tilstilli Valhallar!

[Sigurður Þór Guðjónsson, 7.10.2008 kl. 10:00]

Hér er gaman að fá að kommenta með gömlu kommunum!

[Örlygur Hnefill Örlygsson, 7.10.2008 kl. 11:14]

Góður =)

[Brynjar Jóhannsson, 7.10.2008 kl. 12:53]

ROÐIN Í AUSTRI...

Tavaris stalin .... ...

þetta er orðið óborganlegur farsi.  

[Gísli Baldvinsson (IP-tala skráð) 7.10.2008 kl. 13:14]

Skrýtnir tímar Hallur. Líklegast að það þurfi að herða á framkvæmdum á Bakka!

[Hlynur Hallsson, 7.10.2008 kl. 13:37]

Gísli, ég heiti Hlynur en pabbi minn heitir Hallur.

Það er eitt það hættulegasta við þessa kreppu og gjaldþrot kapítalismans að það eina sem sumum ráðamönnum dettur í hug er að ráðast af enn meira offorsi gegn náttúrunni. Nú koma örugglega fram hugmyndir um olíuhreinsistöðvar og fleiri álbræðslur. Það er hinsvegar ruglið. Ég hef að vísu misst alla trú að að Samfylkingin ætli að standa við eitthvað af sínu "fagra Íslandi" en vona samt að þú fallir ekki í þann fúla pytt að krefjast fleiri álvera! Vona að þú sért að grínast!

Bestu kveðjur,

[Brynjar Jóhannsson, 7.10.2008 kl. 14:16]

Hlynur...

Þú ert væntanlega sammála mér að ríkið þurfi að framkvæma núna eins mikið og mögulegt er ?

Hvað ætti ríkið að framkvæma núna ef ekki árvirkjun ? 

Sjáfur kaus ég vinnstri græna í síðustu kostningum og tel mig nátturuverndarsinna. Nema hvað að á þessum tímum verðum við að gera allt sem þarf að gera til að halda okkur gangandi. Hagkerfið er komið með hjartaáfall.

Svo mig langar endilega að heyra hvað væri hægt að gera í þessari stöðu ..

Selja kannski vatn eins og jón ólafsson hyggst gera ?  

[Úrsúla Jünemann, 7.10.2008 kl. 15:26]

Átta menn sig virkilega ekki á því að með framkvæmdunum á Austurlandi varð þessi gríðarlega þensla til sem opnaði allt upp á gátt fyrir ævintýramennina sem settu okkar svo í þessa erfiða stöðu? Stoppum stóriðjuvitleysuna og snúum okkar að atvinnuskapandi litlum fyrirtækjum. Það eru þau sem skila gróðinn inn í þjóðarbúið.

[Hlynur Hallsson, 7.10.2008 kl. 17:58]

Hárrétt hjá Úrsúlu. Nú er kominn tími til að einbeita sér að smáum og meðalstórum fyrirtækjum.Það er betra fyrir fólkið og umhverfið.

Það að detta aftur í stóriðjuruglið er ávísun á enn meira sukk.

Bestu kveðjur,

[arnar valgeirsson, 7.10.2008 kl. 18:40]

já, það eru vinir okkar í austri sem standa keikir og redda frjálshyggjudúddunum á endanum.

en þú mátt vita að stóriðjustefnan verður allsráðandi í umfjöllun næstu daga, strax byrjað að hamra á þessu helvíti. sjitt hvað við þurfum að losna við ákveðinn mannskap af ráðafólki.

[Guðmundur Ásgeirsson, 7.10.2008 kl. 21:47]

"Hvað ætti ríkið að framkvæma núna ef ekki árvirkjun ?"

Hvað með: #1 Sundabraut, tvöföldun Hvalfjarðarganga, tímabært viðhald opinberra bygginga, Miklabraut í stokk, mislægt við Kringluna, o.fl. í þeim dúr. #2 Stóraukning á lanbúnaðarframleiðslu, helst með útflutning í huga. Skipta skal tilskildu hlutfalli bænda yfir í hampræktun og breyta landbúnaðartækjunum í að nota hampolíu sem eldsneyti. Ef það á að virkja þá verður það að vera til að vetnisvæða bíla- og fiskiskipaflotann. #3 Niðurgreiða flugfar erlendra ferðamanna til landsins, með gengið á krónunni svona lágt er núna orðið ódýrt að vera ferðamaður á Íslandi, við skulum færa okkur það í nyt!

Hluti #1 af þessum aðgerðapakka myndi ýta undir atvinnu og milda áföllin á verktaka- og byggingaiðnað sem þarf þrátt fyrir það á megrun að halda einnig. #2 mun hjálpa til við að gera okkur "innflutnings-óháðari" á eldsneyti sem er ein af lífæðum atvinnulífs. #3 mun að lokum færa fúlgur gjaldeyris inn til landsins ásamt því að milda áföllin á flugrekstur sem er stór atvinnugrein á Íslandi.

Nóg í bili, en hérna má bæta í hugmyndabankann.