Steingrími tekst það sem ríkisstjórnin getur ekki gert

Það er merkilegt að þegar svokölluð "ríkisstjórn" Sjálfstæðisflokks og Samfylkingar situr aðgerðarlaus og getur ekki gert neitt ekki, einu sinni þrifið skítinn eftir sig, þá er það forystumaður stjórnarandstöðunnar sem gerir það sem gera þarf. Geir H. Gunga segir "við látum ekki kúga okkur!" en lætur Bretana svo kúga okkur.

Það er stórum áfanga náð að framkvæmdastjórn Evrópuráðsþingsins hafi samþykkt í dag beiðni Íslands (Steingríms) um að sú aðgerð breskra stjórnvalda að beita hryðjuverkalögum til að frysta eigur Landsbankans í Bretlandi 8. október sl. yrði tekin til meðferðar bæði í laga- og mannréttindanefnd og efnahagsnefnd Evrópuráðsþingsins.

Það er svona sem menn þurfa að vinna.

Mynd: VB MYND/BIG

Frysting tekin fyrir hjá Evrópuráðsþinginu

Athugasemdir

[Diesel, 9.1.2009 kl. 13:40]

Já, það er gott að vita til þess að það er allavega einhver þarna sem er að vinna fyrir laununum sínum. Aðrir eru bara áskrifendur að þeim.

[Sporðdrekinn, 9.1.2009 kl. 14:01]

Skál fyrir Steingrími 

[Stefán Bogi Sveinsson, 9.1.2009 kl. 14:09]

Skárra væri það nú að Steingrímur sinnti þessu máli á þessum vettvangi. Þar starfar hann í umboði allrar þjóðarinnar. Auðvitað ætti hann að öllu eðlilegu að hafa haft um þetta samráð við fulltrúa allra þingflokka. Efast ekki um að hann hefur gert það, enda leggur hann jafnan mikið upp úr samráði í þinginu.

[Guðmundur Ásgeirsson, 9.1.2009 kl. 15:33]

Ef kjörnir fulltrúar hefðu skynsemi til að bera væri réttast að þeir veittu Steingrími J. fullt umboð til að stýra þeirri vinnu sem snýr að beitingu hryðjuverkalaga og eignaupptöku á erlendri grundu. Hann hefur sýnt af sér þann dug sem aðra virðist skorta í þeim efnum.

[Rakel Sigurgeirsdóttir, 9.1.2009 kl. 16:08]

Það er gott að vita að Steingrímur setur þjóðarhagsmuni í fyrsta sæti þar sem ríkisstjórnin starfar af því að verja einkahagsmuni þeirra sem þjóðin hefur aðeins grun um hverjir eru.

[Jenný Anna Baldursdóttir, 9.1.2009 kl. 16:17]

Frábært.

[, 9.1.2009 kl. 16:42]

Skeleggur að vanda.

[Björgvin R. Leifsson, 9.1.2009 kl. 18:11]

Ég varð ekki var við að minnst væri einu orði í fréttum á að þetta væri í boði SJS og VG. Takk fyrir að láta okkur vita, Hlynur.

[Húnbogi Valsson (IP-tala skráð) 9.1.2009 kl. 19:59]

Svo eru sumir að reyna að telja þjóðinni trú um að stjórnarandstaðan sé aðgerðarlaus og hafi ekkert lagt til málanna.

[Hlynur Hallsson, 10.1.2009 kl. 00:11]

Já, það er einkennilegt að Guðfinna fái að baða sig í viðtölum eins og hún hafi eitthvað gert til að koma þessu máli af stað. Af hverju var ekki viðtal við Steingrím í útvarpsfréttum eða á mbl.is? Það var jú Steingrímur sem átti frumkvæði að umræðunni og flutti málið á fundi stjórnarnefndarinnar.

En þetta kallast víst sennilega bara að "stýra umræðunni")

Bestu kveðjur,

[Auðun Gíslason, 10.1.2009 kl. 00:34]

Enda beygir Steingrímur sig ekki svo auðveldlega heldur er fastur fyrir og ekki með óþarfa mjúkmælgi!