Þau sem fólk treystir og treystir ekki

Það er ánægjulegt að sjá hvað ráðherrar í nýrri ríkisstjórn njóta mikils traust meðal fólks. Á þessum erfiðu tímum þar sem þau hafa þurft að taka óvinsælar ákvarðanir. Það kemur ekki á óvart að Jóhanna Sigurðardóttir, Gylfi Magnússon og Katrín Jakobsdóttir njóta mests trausts. Ég er viss um að Ögmundur Jónasson mun vaxa í áliti hjá fólki því hann er að gera góða hluti. Það er til dæmis frábært hjá honum að gefa kost á sér í baráttusætið í kraganum og gefa eftir fyrsta sætið til Guðfríðar Lilju. Það er áhætta en frábær ákvörðun og ég er viss um að hann flýgur inn á þing.

Hér er stöplaritið eftir stuðningsfólki flokkanna.

Flestir bera traust til Jóhönnu

Athugasemdir

[Stefán Bogi Sveinsson, 16.2.2009 kl. 17:26]

Það er gott að stjórnin njóti trausts. En hvaða óvinsælu ákvarðanir hafa ráðherrarnir tekið?

[Oddur Helgi Halldórsson, 16.2.2009 kl. 21:58]

Ekkert minnst á Kolbrúnu ! ! !

[Arinbjörn Kúld, 16.2.2009 kl. 22:43]

Þau standa sig vel. Nú vil fara að sjá tölur þ.e. hvað er skellurinn stór? Átti ekki allt að koma upp á borðið?

Svo förum við að vinna í málunum eftir kosningar!

[Hlynur Hallsson, 16.2.2009 kl. 22:59]

Óvinsælu ákvarðanirnar Stefán Bogi, snúa að niðurskurði, hvalveiðum, loðnukvóta, aðhaldi, umhverfismálum, frestunum á framkvæmdum og fleiru og fleiru. En þetta verður að gera en ekki láta reka á reiðanum.

Kolbrún er umdeild Oddur Helgi en á það ekki skilið því hún er afar dugleg og hæf þingkona. Hún gerði það sem umhverfisráðherrar Sjálfstæðisflokks, Samfylkingar og Framsóknar komu ekki í verk: að innleiða Árósasamkomulagið og við erum eitt síðasta landið í Evrópu sem gerum það. Þetta var þarfaverk og réttlætismál fyrir almenning og umhverfið.

En það er nóg verk að vinna og enn á margt eftir að koma í ljós af skuldahala íhaldsins. Það er verið að vinna í málunum kæri Arinbjörn og því verður vonandi framhaldið eftir kosningar.

Bestu kveðjur,

[Magnús Geir Guðmundsson, 17.2.2009 kl. 00:50]

Liljan er auðvitað bara yndisleg,hefði átt að stilla henni strax í fyrsta sætið einhvers staðar fyrir tveimur árum. En sjálfsagt alveg ágæt ávkörðun hjá Ögmundi, en ég myndi nú ekki segja frábær, passar ekki alveg í mínum haus slík orðnotkun, en minn haus er nú bara eins og hann er!

[Júlíus Már Baldursson (IP-tala skráð) 17.2.2009 kl. 01:49]

Ekki veit ég betur en þessir "erfiðu" tímar voru komnir þegar síðasta stjórn var við völd og þurfti hún þá ekki síður að taka "erfiðar" ákvarðanir. Og hitt ber líka að athuga að helmingurinn af fyrrverandi stjórn er núna í stjórn.