Spennandi forval - Ungt fólk áberandi

Það er frábært hversu vel hefur gengið með forval Vinstri grænna á höfuðborgarsvæðinu. Ég bloggaði einmitt um hversu margt frambærilegt fólk ákvað að gefa kost á sér og nú eru fyrstu tölur komnar og þetta lítur vel út. Ármann Jakobsson skrifar ljómandi pistil í Fréttablaðið í dag um "það sem átti ekki að vera hægt" og það er hægt að lesa hann á vísi. Ármann segir meðal annars: "Litprentuðu bæklingarnir hafa fengið frí. Vissulega hefur fólk reynt að vekja athygli á sér og sínum málum, en ekki með fjáraustri eins og tíðkaðist meðal annarra flokka. Samt var engum beinlínis bannað að auglýsa; frambjóðendur gerðu einfaldlega með sér heiðursmannasamkomulag um að gera það ekki." Ég mæli með því að fólk lesi þenna pistil.
Það er ljóst að nýtt og ungt fólk verður ofarlega á listunum þremur og það er afar jákvætt. Guðfríður Lilja Grétarsdóttir er til dæmis að fá glæsilega kosningu í annað sætið sem er öruggt þingsæti samkvæmt nýustu Gallupkönnuninni. Þetta er frábært.

Ögmundur með flest atkvæði í fyrsta sæti hjá VG

Athugasemdir

[Sveinn Arnarsson, 3.12.2006 kl. 03:02]

flott prófkjör hjá ykkur þarna í kjördæmunum þremur. reynum svo að ná inn í ríkisstjórn í vor, fyrir ALLT fólkið í landinu, ekki bara elítuna!

[Hlynur Hallsson, 3.12.2006 kl. 21:46]

Takk fyrir þetta Svenni. Einmitt, við skulum skipta dé og bé-listum út í vor og taka við og einbeita okkur að því að draga úr misskiptingunni en ekki auka hana eins og þessir flokkar hafa gert. Bestu kveðjur,