SjálfstæðisFLokkurinn á barmi taugaáfalls

Það stefnir allt í verðskuldaðan stórsigur Vinstrihreyfingarinnar græns framboðs í kosningunum á morgun. Enda veitir ekki af eftir 18 ára valdatíma frjálshyggju með tilheyrandi ójöfnuði, óréttlæti, græðgivæðingu, sóun og umhverfisspjöllum. Það er þörf fyrir jöfnuð í samfélaginu og áherslu á fólkið og umhverfið okkar. Það þarf að koma heimilunum til bjargar og efnahagslífinu. Það geta Vinstri græn gert.
SjálfstæðisFLokkurinn er hinsvegar óstjórntækur flokkur á kafi í spillingu og ætlar að halda áfram á sömu braut stóriðjuvæðingar og afneitunar. Þar á bæ beita menn nú öllum ráðum, blekkingum og lygum í örvæntingu sinni. En sem betur fer sér meirihluti þjóðarinnar í gegnum ránfuglinn að þessu sinni. Það er samt einkennilegt að um 20% ætli að kjósa SjálfstæðisFLokkinn.
Það eru erfiðir tímar framundan en með ábyrgri stefnu með áherslu á menntun og velferð er vegurinn til framtíðar bjartur.

Stjórnin heldur enn

Athugasemdir

[Stefán (IP-tala skráð) 24.4.2009 kl. 13:21]

Mikið rétt hjá þér, Sjálfstæðisflokkurinn er búinn að kaffæra sjálfan sig og þjóðina alla með spillingu og kolrangri efnahagsstefni. Tími Sjálfstæðisflokksins er liðinn og farið hefur fé betra.

[Jóhann Pétur Pétursson, 24.4.2009 kl. 16:13]

Verðskuldaður stórsigur djöfulsins helvítis kjaftæði. Hvað hefur VG gert? Jú hún hefur stuðlað og staðið fyrir stórfelldri eignaupptöku þar sem að atvinnurekendur eru hraktir úr fyrirtækjunum og ríkið tekur þau yfir í krafti ríkisbankanna. Jú VG eyddi vikum í það að hrekja mjög hæfa Seðlabankastjóra úr starfi og stöndum við betur fyrir vikið??? Nei við gerum það ekki. Það að Seðlabankastjórarnir færu úr starfi var sagt vera grundvöllur fyrir stórfeldum björgunarpakka til handa heimilunum í landinu en sá björgunarpakki hefur ekki sést, væntanlega af því að hann var aldrei til. VG er á móti allri atvinnuuppbyggingu og sýndi það í verki hvers fúll á móti flokkur VG er með afstöðu sinni til álvers á Bakka og hugsanlegrar olíuvinnslu. Það er ekki leitað leiða til þess að framkvæma þessi verkefni í sem mestri sátt við umhverfið, nei þeir eru bara á móti. Til háborinnar skammar fyrir ykkur í VG. Svona nálgast menn ekki viðfangsefni til eflingar byggðarlag og til þess að skapa atvinnu. Menn leita úrlausna. En VG hefur alltaf verið fúll á móti enda var til hans stofnað með þeim hætti. VG er ekkert annað en nokkrir fýlupúkar sem fengu ekki að leika með Samfylkingunni og stofnuðu VG í staðinn. Fremstir meðal fýlupúka voru Steingrímur J. Sigfússon og Hjörleifur Guttormsson.

Það eina sem VG hefur gert er að vega að atvinnufrelsi og frelsi einstaklinga í landinu og beitt fyrir sig bönkunum í því sambandi. 

Það er ein stærsta lygi vinstri manna að Sjálfstæðisflokkurinn sé flokkur spillingar og auðmanna. Þessa lygi lepur þjóðin upp. Sjálfstæðisflokkurinn einn ætlar að standa vörð um frelsi í landinu, frelsi einstaklinga og fyrirtækja og ætlar að berjast gegn þeirri ríkisvæðingu og ríkisfyrirhyggju sem að VG predikar um. Sjálfstæðisflokkurinn mun einnig standa vörð um sjálfstæði landsins, enda var til hans stofnað í þeim tilgangi.

Og um hvað hefur kosningabaráttan snúist. Vinstrimenn hafa verið á fullu að ata Sjálfstæðisflokkinn auri og þykjast vera svo óspilltir sjálfir. Önnur lygi vinstri manna. Á sama tíma eru 15 þúsund heimili í landinu gjaldþrota. Þúsundir fyrirtækja eru í fjárhagerfiðleikum, nú þegar hafa 20 þúsund manns misst vinnunna og ef heldur áfram sem horfir eru störf þúsunda til viðbótar í hættu. En VG og aðrir vinstri menn vilja aðeins ræða um ESB og styrki til Sjálfstæðisflokksins. Það verður mikil huggun fyrir fólkið sem missir húsnæðið sitt, missir vinnuna sína og missir aleiguna. Já við í VG bentum á hvað Sjálfstæðisflokkurinn er ljótur og slæmur en gerðum ekki rassgat til þess að hjálpa ykkur.

Og þú leyfir þér þann ótrúlega hroka að tala um verðskuldaðan kosningasigur. 

[Hlynur Hallsson, 24.4.2009 kl. 17:10]

Þessi langi (og frekar orðljóti) pistill er einmitt það sem ég á við með því að segja að sumir séu á barmi taugaáfalls.)

Ég vona að þú jafnir þig Jóhann.

Bestu kveðjur,

[Finnur Bárðarson, 24.4.2009 kl. 17:52]

Góður Hlynur, ekki þurrka hann út. Það var næstum óþarfi fyrir þig að vera með færslu sjálfur.

[Hjálmtýr V Heiðdal, 24.4.2009 kl. 18:32]

Sæll Hlynur og gleðilegt sumar.

Það er ein assgoti góð „fréttastofa“ sem virðist starfa fyrir Sjálfstæðisflokkinn.

Þar eru menn farnir á taugum og sjá andskota í hverju horni.

Kíktu á tvær síðustu færslurnar á blogginu mínu.

Góða skemmtun.

[Eva G. S., 24.4.2009 kl. 18:46]

já hræðsluáróðurinn fer að ná hámarki ...að fólk fari að kjósa yfir sig skattahækkanir....

[Fríða Eyland, 24.4.2009 kl. 19:36]

Flott ræða hjá þér Hlynur og sönn,

[Þorsteinn Sverrisson, 24.4.2009 kl. 21:55]

Sú stefna sem vinstrimenn fylgja, þ.e. háir skattar, ríkisafskipti og miðstýring hefur allstaðar leitt til meiri fátæktar og lakari lífskjara en þörf er á. Fólk flýr svoleiðis lönd hvarvetna í heiminum til landa þar sem meira frelsi ríkir.

Við þær aðstæður sem Íslendingar eru í núna virðist fólk kjósa vinstri flokkana eins og hefnd því þeim finnst að Sjálfstæðisflokkurinn hafi brugðist.  Það getur verið rétt að einhverju leyti.  En almennt séð þá er stefna atvinnufrelsis, hóflegra skatta og virkjun markaðarins betri og Íslendingar munu ekki lengi nenna að búa í landi sem er stjórnað af mönnum sem fylgja stefnu VG. Því skulið því njóta þess vel meðan þið getið :)

[Karl Löve, 24.4.2009 kl. 22:56]

Þessi Jóhann segir sjálfan sig "skrýtnasta mann norðan Alpafjalla og kannski fyrir sunnan líka".

Miðað við þennan ótrúlega bullugang í honum þá er það rétt.

1. Aldrei í sögu lýðveldisins Íslands hefur ríkisbáknið þanist jafn hrikalega út og í tíð Sjálfstæðisflokksins.

2. Af hverju spyr þessi vesalingur ekki hverjum það er að kenna að öll þessi fyrirtæki og heimili eru í vandræðum?

3. Það þarf enginn að búa til neitt um spillingu Sjálfstæðiflokksins, þeir eru alveg einfærir um það sjálfir eins og nýleg dæmi sanna.

Fleira þarf ekki að segja því þessi ótrúlegi vaðall kemur örugglega frá manni sem á einhverra hagsmuna að gæta og er á þessari stundu kengfullur grenjandi ofan í viskíglasið sitt.

Eitt er alveg öruggt, honum stendur svo nákvæmlega á sama um almenning á meðan hann getur makað krókinn í skjóli mafíunnar í Valhöll.

[Helgi Jóhann Hauksson, 25.4.2009 kl. 03:58]

Afgerandi afsvar Steingríms J um að fulltrúaráð VG myndi ekki „leyfa“ aðildarviðræður við ESB þó svo samningur yrði lagður til atkvæða fyrir þjóðina er mörgum mikið áfall.