Karlarnir í KSÍ segi af sér

Karlarnir í stjórn Knattspyrnusambands Íslands virðast ekki vera að fatta hlutina. Það er eitthvað bogið við siðferðið á þeim bænum (sem kemur ef til vill ekki á óvart miðað við það sem hefur verið í gangi síðustu árin). En hér hitta karlarnir ekki í mark, reyndar dálitið langt framhjá og sennilega auk þess rangstæðir, allir. Þeir eru búnir að fá gula spjaldið og nú er komið að því rauða: Útaf með stjórn KSÍ, þessir karlar eru ekki starfi sínu vaxnir og geta ekki verið í forsvari lengur. Er ekki tilvalið að ný stjórn verði skipuð fleiri konum sem hafa einhverja siðferðiskennd og það hlýtur að vera hægt að finna karla sem einnig eru búnir þeim ágæta eiginleika. Gott að þeir báðust samt afsökunar, það ber vott um smá iðrun.

Hér eru umfjallanir um málið:

DV skrifar um fundinn: KSÍ: Kampavínsfundur fyrir luktum dyrum

Rúv um viðbrögðin: Afgreiðsla KSÍ hlægileg

Vísir.is vitnar í Guðnýju Gústafsdóttur: Efast um að stjórn KSÍ geti samið siðareglur

DV með niðurstöðuna: KSÍ mun ekki aðhafast neitt - biður þjóðina afsökunar

Katrín Rut Bessadóttir skrifaði ljómandi pistil á Smuguna um málið

Já, og hvaða refsingu hlaut fjármálastjórinn aftur?

Stjórn KSÍ aðhefst ekki frekar

Athugasemdir

[Stefán Óli Sæbjörnsson, 20.11.2009 kl. 00:50]

Hann greiddi skuldina,refsing er altaf tvíræð,hvernig átti að refsa? Reka,áminna,, sú stjórn sem var fyrir 4 árum er hætt, formaðurinn hættur,það voru þeir sem tóku afstöðu gagnvart þessu máli ekki nýja stjórnin sem kosin var í vor.Málið er einfaldlega steindautt og niðurstaðan er sanngjörn. En svo má hinsvegar setja vinnureglur um að nota ekki kreditkort í næstu heimsókn heldur beinharaða peninga.

[Hlynur Hallsson, 20.11.2009 kl. 11:49]

Núverandi stjórn KSÍ reynir að verja fjármálstjórann sem fór á strippbúllu og með KSÍ kortið. Auðvitað hefði átt að reka manninn strax fyrir fjórum árum, áminning er bara brandari. KSÍ stjórnin er greinilega vanhæf en hún vill að málið sé "steindautt" en svo er auðvitað ekki Stefán Óli.