Ríkið bjargar BYR

Þetta er skrítinn heimur. Við vorum einhvertíma búin að fá nóg af Glitni og endalausu auglýsingaskrumi þaðan og ákváðum að flytja okkar viðskipti yfir í Sparisjóð Norðlendinga. Það er samt hægara sagt en gert en skipta alveg um banka. Síðan gerist það nokkrum misserum síðar að Sparisjóðurinn okkar rennur inn í eitthvert bákn sem heitir BYR. Það voru einhverjir stofnfjáreigendur sem ætluðu heldur betur að græða á "góðæristímanum" (lesist sukk- og bruðl tíma sjálfstæðisFLokksins).

Svo hrundi allt draslið og þá var Glitni breytti aftur í Íslandsbanka og nú er ríkið líka búið að bjarga BYR. Ég sakna Alþýðubankans, það var almennilegur banki sem eyddi ekki og bruðlaði í óþarfa heldur lánaði bara peninga og ávaxtaði krónurnar manns skynsamlega. Er ekki kominn tími til að stofna nýjan Alþýðubanka?

Byr fjórði ríkisbankinn?

Athugasemdir

[Húnbogi Valsson (IP-tala skráð) 16.12.2009 kl. 23:04]

Peningar eru og verða aldrei annað en kvittun fyrir verðmæti. Verðmæti eru ekki annað en varningur og þjónusta sem metin er til fjár. Sá sem græðir á því að flytja peninga frá einum stað á annann, án þess að framleiða neitt, er þar með að eigna sér verðmæti sem aðrir framleiða. Þessir íslensku auðmenn sem græddu offjár án þess að framleiða sjálfir verðmæti voru sem sagt að arðræna vinnandi fólk, þjóðina og heimsbyggðina.

[Rúnar Haukur Ingimarsson, 22.12.2009 kl. 11:16]

Sæll

Ertu ekki að gleyma einum flokki sem var líka í stjórn þegar sparisjóðurinn okkar rann inn í báknið ?