Íshokkípeysan mun koma upp um hann

Drengurinn er í einhverju íshokkíliði sýnist mér. Best er samt að nota þyrluna til að finna hann, einkennilegt að það hafi ekki tekist! Lögreglan er ekki að skora mörg stig þessar vikurnar. Það er greinilega þörf á aukavaraliði, óeirðalöggu og víkingasveitum.

Myndir birtar af bankaræningja

"Lágmarksgæsla í öðrum borgarhlutum núna..."

Bíddu... eru þetta skilaboð til annarra bankaræningja og glæpona í borginni? Nú er tækifærið til að ræna og rupla, allir af stað! Er það ekki frekar ábyrgðarlaust af varðstjóra lögreglunnar að lýsa þessu yfir?

"„Það er allt tiltækt lið að leita að ræningjanum, það er bara lágmarksgæsla í öðrum borgarhlutum núna," sagði varðstjóri lögreglunnar á höfuðborgarsvæðinu í samtali við Fréttavef Morgunblaðsins fyrir skömmu."

Vonandi næst bankaræninginn fljótt og vel svo aðrir borgarbúar í "öðrum borgarhlutum" geti verið óhultir.

Enn er leitað að bankaræningja

Einkaskólinn óhagstæður fyrir foreldra og Akureyrarbæ

Hér á eftir er bókunin eins og ég lagði hann fram á fundi skólanefndar Akureyrarbæjar. Haft er eftir Gunnari Gíslasyni fræðslustjóra í þessari frétt á mbl.is að: "Ef foreldrar eru að greiða meira þá er það eitthvað sem samið hefur verið sérstaklega um." Ég get upplýst hér að foreldrar barna í Hólmasól þurfa að greiða 1.900 krónur aukalega á mánuði auk venjulegra gjalda og það er ekki "samið sérstaklega" um það við foreldrana heldur bara rukkað og flestir borga bara með boðgreiðslum og pæla ekkert í þessu. Gjöldin skiptast svona:

Netgjald 500 kr.

Foreldragjald 500 kr. og svo

Annað 900 kr.

Aðalmálið er hinsvegar að samningurinn við Hjallastefnuna ehf er vísitölubundinn og ríkur því upp í 12% verðbólgu meðan aðrir leikskólar sitja eftir og þurfa að herða sultarólina þegar matarkarfan hækkar. Það sitja ekki allir við sama borð og það er ekki í lagi.

Hér er bókunin:

"Nú stefnir í að leikskólinn Hólmasól verði Akureyrarbæ enn kostnaðarsamari en fyrirséð var. Samningur bæjaryfirvalda við "Hjallastefnuna ehf" er vísitölubundinn meðan aðrir leikskólar á Akureyri fá fasta upphæð árið 2008, þrátt fyrir um 12% verðbólgu. Hvert pláss á Hólmasól er nú þegar dýrara fyrir Akureyrarbæ og foreldra en pláss á öðrum leikskólum og ef fram heldur sem horfir mun Akureyrarbær greiða hlutfallslega mun hærri upphæð fyrir Hólmasól en aðra leikskóla í bænum.
Það er því ljóst að einkarekstrarstefna Sjálfstæðisflokks hefur enn og aftur beðið skipsbrot og nú bitnar það á foreldrum barna á Akureyri og Akureyrarbæ. Þessa mismunun þarf að leiðrétta.

Fjölbreytt skólastarf er mikilvægt og Vinstrihreyfingin grænt framboð styður heilshugar frumkvæði foreldra og fjölbreytni í skólastarfi á öllum stigum. Nú þegar er kynskipting eða svokölluð Hjallastefna rekin með góðum árangri í leikskólum hjá Reykjavíkurborg og víðar á mun hagkvæmari hátt en “Hjallastefnan ehf” treystir sér til að gera. Akureyrabær mætti gjarnan beita sér fyrir enn fjölbreyttari stefnu í starfi leikskóla t.d. í samvinnu við foreldra með stefnur eins og Waldorfstefnuna, Rudolf Steiner eða Reggio Emilio svo nokkur dæmi séu nefnd. Leikskólar á Akureyri eru afar fjölbreyttir og leggja áherslu á mismunandi þætti eins og heimsspeki, fjölmenningu og hreyfingu svo dæmi séu tekin. Leikskólar Akureyrar eru afar vel reknir og mannaðir hæfu og menntuðu starfsfólki og til fyrirmyndar. Metnaðarfull símenntunaráætlun þeirra liggur fyrir en því miður hefur skólanefnd Akureyrarbæjar ekki yfirliti yfir símenntunaráætlun fyrir Hólmasól og Hlíðarból sem rekin er af Hvítasunnukirkjunni með samningi við Akureyrarbæ.

Þessi bókun er ekki lögð fram sem gagnrýni á Hjallastefnuna eða leikskólann Hólmasól heldur til að benda á þann aukna kostnað sem einkavæðing hefur í för með sér og að nú stefnir í að sá mismunur muni stóraukast á næstunni sé ekki gripið til viðeigandi ráðstafana.

Hlynur Hallsson
fulltrúi Vinstrihreyfingarinnar græns framboðs í Skólanefnd Akureyrarbæjar"

Tengill á frétt á rúv um málið

Dýrara að reka leikskólann Hólmasól

Plat Tal

Þessi "frétt" um "aukna samkeppni" á símamarkaðinum sýnist mér vera fullkomið plat. Það er í raun verið að draga úr samkeppni og fækka fyrirtækjum á markaði. Þetta nýja Tal verður í meirihlutaeign Vodafone og er varla í mikilli "samkeppni" við móðurfyrirtækið? Það er í raun verið að fjarlægja Hive af markaði, það er málið. Mér finnst framsetning mbl.is ekki nægilega gagnrýnin og þetta er í raun og verum bara birting á "fréttatilkynningu" sem er í rauninni dulbúin auglýsing frá Tali (Vodafone). Ef þetta er rangt hjá mér bið ég ykkur að gera athugasemdir (auðvitað undir fullu nafni!)

Boða 20-30% lækkun fjarskipta

Flott bænakall raskar ró sofandi fólks

Þórarinn Jónsson er greinilega hress náungi og þetta verk hans er ansi gott. Samt pínu grunsamlegt að tölvubilun hafi valdið því að bænakallið fór í gang klukkan fimm að morgni! Ef myndlist truflar fólk er áhugavert að skoða í hvaða samhengi það er og af hverju fólk truflast auðveldlega.

Þórarinn komst heldur betur í fréttirnar í vetur með verkið sitt "This is not a bomb" sem hann kom fyrir á listasafni í Toronto, við lítinn fögnuð starfsfólks og lögreglu. Hann var handtekinn, rekinn úr skólanum og svaka læti en ég veit ekki hvort hann var kærður og þá fyrir hvað. Þetta nýja verk hans "Bænakall" er betra finnst mér en auðvitað leitt að það hafi farið í gang svona snemma dags og raskað ró nágranna. Það var fín umfjöllun um málið í kvöldfréttum ruv.

Kvartað til lögreglu yfir bænakalli

Kjartan Sigtryggsson opnar sýninguna "Í framan - In the face" á Café Karólínu laugardaginn 3. maí 2008

Laugardaginn 3. maí 2008, opnar Kjartan Sigtryggsson sýninguna "Í framan - In the face", á Café Karólínu á Akureyri.
Kjartan Sigtryggsson stundaði nám við Myndlistarskólann á Akureyri og Listaháskóla íslands og útskrifaðist þaðan 2006. Hann segir um verkin sem hann sýnir á Café Karólínu:

"Þetta er afrakstur vinnu minnar upp á síðkastið, ég blanda saman málverkum og teikningum þar sem andlitið er aðalviðfangsefnið, þá aðallega á huglægum grundvelli fremur en formlegum og bókstaflegum”

 

Kjartan Sigtryggsson

Í framan - In the face

03.05.2008 - 13.06.2008  

Café Karólína // www.karolina.is

Kaupvangsstræti 23 // IS 600 Akureyri // 4612755

Nánari upplýsingar veitir Kjartan í kjartansigtryggss(hjá)gmail.com

Sýningin á Café Karólínu stendur til 13. júní, 2008.

Meðfylgjandi er mynd ef einu verkanna sem Kjartan sýnir á Café Karólínu.

Sýning Jóns Laxdal “Úr formsmiðju” á Karólínu Restaurant stendur yfir til 5. september 2008.

Næstu sýningar á Café Karólínu:
14.06.08-04.07.08    Arnar Ómarsson
05.07.08-01.08.08    Vilhelm Jónsson
02.08.08-05.09.08    Margeir Sigurðsson
06.09.08-03.10.08    Sigurlín M. Grétarsdóttir
04.10.08-31.10.08    Ingunn St. Svavarsdóttir Yst
01.11.08-05.12.08    Þorsteinn Gíslason

Umsjónarmaður sýninganna er Hlynur Hallsson

Réttur maður í starfið

Ég sé að starf forstjóra nýrrar Varnarmálastofu er eins og sniðið fyrir Stefán Pálsson. Hann er náttúrulega snillingur og þvert á báknflokkana Samfó og íhald þá ætlar Stefán að stefna að "...því að halda umsvifum hennar (Varnarmálastofu) í algjöru lágmarki og minnka allan rekstrarkostnað eins og mögulegt er."

Þetta nýja bákn sem Ingibjörg Sólrún ætlar að setja á stofn mun blása út eins og embætti Ríkislögreglustjóra hefur gert á kostnað almennrar löggæslu í landinu. Það er hægt að nota einn og hálfan milljarð í margt betra. Stefán er því réttur maður í starfið og mun koma góðu til leiðar með aðhaldssemi og hagsýni. Áfram Stefán!

Formaður SHA sækir um forstjórastarf Varnarmálastofu

Ráðherrar á Íslandi og í Englandi eru rúnir trausti

Krataflokkurinn í Bretlandi fékk rassskell í kosningunum í gær og greinilegt að ríkisstjórnin er rúin trausti. Það hefur áhrif á sveitarstjórnarkosningarnar þar í landi. Gordon Brown tekur líka við ömurlegu búi frá heræsingamanninum og lýðskrumaranum Tony Blair. (Myndin er tekin af Guardian)

En ráðherrarnir hér á landi eru einnig rúnir trausti. Geir H. Haarde hefur fallið í áliti hjá þjóðinni samkvæmt Gallup könnun. Og Þorgerður "vinsæla" Gunnarsdóttir sagði í útvarpinu áðan að búast mætti við óvinsældum meðað tekið er á efnahagsvandanum. Hér er  ef til vill komin skýringin á því af hverju stjórnin tekur ekki á vandanum, hún er hrædd við að verða enn óvinsælli. Þetta eru slæm tíðindi fyrir Árna Matt því það eru ekki margir eftir sem treysta honum, eða aðeins 8%! og samt segjast 37% ætla að kjósa flokkinn hans. 92% kjósneda treysta ekki manninum.

Góðu fréttirnar eru þær að Vinstri græn eru með byr í seglin enda með einu raunhæfu tillögurnar og lausnir á efnahagsvandanum og kynntu þær fyrir 2 mánuðum. Er ekki kominn tími til að Samfó hætti að vera næst sætasta stelpan á ballinu og segi upp þessum hrokagikk, Sjálfstæðisflokknum?

Verkamannaflokkurinn tapaði

1. maí 2008. Alþjóðlegur baráttudagur verkafólks

Ögmundur Jónasson er einhver öflugasti talsmaður launþega í þessu landi og BSRB fer fremst í flokki verkalýðsfélaga. Það er enn líf í SFR en mörg hinna eru ansi slöpp og því miður er ASí frekar aulalegt félag. En vonandi tekst þeim að reka af sér slyðruorðið og fara að gera eitthvað. Það er hægt að taka sér Ögmund til fyrirmyndar sem vinnur að mestu leyti í sjálfboðavinnu fyrir félagið sitt og launafólk í landinu.

Enn vinnast sigrar og það er sérstök ástæða til að fagna og óska hjúkrunarfræðingum til hamingju með sigurinn í vinnudeilu við yfirstjórn Landsspítalans og heilbrigðisráðherra. Samstaðan skiptir máli.

Til hamingju með daginn allir. Ég var á frábærum fundi Stefnu, félagi vinstrimanna hér á Akureyri í morgun. Það var fullt hús og fín stemning, Margrét Guðmundsdóttir, Ólafur Þ. Jónsson, Valgerður Dögg Jónsdóttir, Jón Laxdal, Ingólfur Á Jóhannesson, Þórey Ómarsdóttir, Kristján Hjartarson og Þráinn Karlsson komu öll fram og aðalræðumaður dagsins var Viðar Þorsteinsson heimspekingur. Hann hélt frábæra og kraftmikla ræðu. Fín stemning á þessum árvissa fundi.

Í kvöld eru Ung vinstri græn á Akureyri með tónleika á Græna hattinum og þar er frítt inn og Svavar Knútur úr Hrauni heldur uppi stuðinu. Þessir tónleikar eru einnig orðinn reglulegur viðburður á 1. maí.

Í Þýskalandi var alltaf mesta fjörið í kröfugöngum Kúrdanna enda eru kröfugöngur og mótmæli bönnuð í Tyrklandi (myndin er þaðan af spiegel.de). Nýnasistar og hægri öfgamenn reyna að skemma baráttudaginn í Þýskalandi en tekst það sem betur fer ekki. 10.000 manns mótmæltu nýnasistum í Hamborg í dag. Það er mikilvægt að stöðva frjálshyggjuna, hervæðinguna, einkavæðinguna og skerðingu lífskjara sem nú viðgengst og Samfylkingin virðist ætla að taka þátt í með íhaldinu. Það er sorglegt en er alltaf að koma betur í ljós.

Hér er mynd frá 1. maí í Pakistan úr Sueddeutsche Zeitung.

Ögmundur: Samfélagið þarf að ná sáttum

Heilbrigðisráðherra í djúpum skít

Guðlaugur Þór er í alvarlegum vandræðum. Hann þóttist rétta út "sáttahönd" sem var frekar blá og ansi seint á ferðinni. Og nú er hann að smiða einhverja neyðaráætlun í ráðuneytinu sínu sem verður auðvitað ekki neitt svar við ástandinu. Neyðaráætlanir eru meira hugsaðar fyrir faraldur, kóleru, berkla og þessháttar en ekki vegna þess að ráðherra vill ekki hækka lág laun fólks. En það er auðvitað neyð að hafa Sjálfstæðisflokkinn í heilbrigðisráðuneytinu með einkavæðingu efst á dagskránni.

140 skurðhjúkrunarfræðingar og geislafræðingar eru að fara heim í kvöld og koma ekki aftur. Það var aðeins of seint að ætla að fresta málunum fyrir Gulla. Hann var frekar lúpulegur í viðtali í fréttum útvarpsins í gær og gat ekki svarað neinu þó að fréttmaðurinn Arnar Páll hafi spurt hann ítrekað.
En hvernig væri bara að borga fólkinu mannsæmandi laun. Nei, það kemur auðvitað ekki til greina því þetta eru aðallega konur sem vinna þessi störf. Frekar bara að fresta málunum þar til alger upplausn blasir við og ástandið orðið grafalvarlegt. Þetta er fullkomin vanvirðing við starfsfólkið og á ekki að líðast.

Þráinn Bertelsson er með sennilegustu skýringuna á þessu tómlæti heilbrigðisráðherra, hægt að lesa það hér.

Hjúkrunarfræðingarnir og geislafræðingarnir á Landsspítalanum á hinsvegar heiður skilinn fyrir að láta ekki kúga sig.

Geislafræðingar hætta

Stríð gegn krotinu gerir illt verra

Krotarar eru komnir í stríð við borgaryfirvöld. Lausnin er ekki að moka milljónum í að þvo krotið af eða senda lögguna á liðið. Ástandið hefur bara versnað eftir að Vilhjálmur Þ. fór í einhverja mislukkaða herferð gegn veggjakroti. Lausnin er að virkja sköpunarþörf unga fólksins og fá þau til að gera myndlist og þá mun draga úr skemmdaverkum og kroti á eignir annarra. Boð og bönn í þessu efni gera bara illt verra eins og við höfum fengið að sjá. Það verður að taka á þessu kroti með góðu en ekki illu. Þá verður Borgin fallegri og allir ánægðari.

Röktu slóð krotaranna frá miðborg upp í Hlíðar

Tempelhofflugvöllurinn í Berlín lagður niður

Íhaldsöflin töpuðu í flugvallarkosningunni í Berlín í gær og tókst ekki að fá nógu marga á kjörstað. Það var samt mikil kosningabarátta í gangi og allt hafði verið lagt undir hjá CDU og Angela Merkel kanslari jafnvel skipt um skoðun og vildi allt í einu halda uppá þennan þriðja flugvöll Berlínar. Það er áhugaverð yfirferð yfir málið í Berliner Zeitung sem hægt er að lesa hér. Og umfjöllunin í 24Stundum um helgina var einnig ágæt.

Íbúar Berlínar skiptast í þessu flugvallarmáli í tvo hópa, austur og vestur. Í okkar hverfi Prenzlauer Berg sem er hluti af Pankow var mikill meirihluti fyrir því að leggja flugvöllinn niður en í gamla vesturhlutanum vildu flestir að hann yrði starfræktur áfram. Vinstriflokkurinn, Græningjar og Kratar höfðu öll  lagt til að Tempelhof verði lagður niður en Kristilegir demókratar og Frjálslyndir vildu halda honum. Það vantaði meira en 70.000 atkvæði fylgenda flugvallarins til að ná upp í tilskilinn 25% fjölda kosningabærra íbúa, en af þeim sem kusu vildu samt 60% halda í völlinn. Niðurstaðan er sú að hann verður lagður niður og Schönefeld völlurinn verður stækkaður. Nú lenda bæði IcelandExpress og Icelandair þar svo þetta breytir ekki miklu fyrir okkur.

Sjálf flugvallarbyggingin getur gjarnan orðið safn og eitthvað fleira enda ein stærsta bygging í Evrópu. Gamli Tempelhof völlurinn verður því vonandi hreinsaður og breytt í íbúðarbyggingar og ásamt nýjum atvinnutækifærum með grænum áherslum. Við höfum nærtækt dæmi um flugvallarmál hér á landi sem rétt væri að horfa til í þessu sambandi. 

Hér eru nokkrir tenglar á fréttir um úrslitin og sögu vallarins:

Tempelhof-Retter gescheitert

Vom Exerzierplatz zur Mutter aller Airports

Das Volk schließt Tempelhof 

"Ein deutliches Signal, das Sicherheit gibt" 

Ein Sieg gegen CDU und Springer 

Volksentscheid zu Flughafen Tempelhof gescheitert 

Tempelhofflugvöllur verður lagður af

Ungt fólk tekur afstöðu

 

Ég held samt að það væri sterkari leikur að mótmæla við stjórnarráðið, loka ráðherrabílana inni.

Ung vinstri græn eru með nýtt myndband á YouTube þar sem þau fjalla um hervæðingu landsins. Mæli með að fólk skoði það.

Ungmenni tefja umferð

Sumardagurinn fyrsti

Gleðilegt sumar öll. Heiðskýrt og steikjandi hiti hérna fyrir norðan en veturinn kemur víst aftur um helgina. Við Una Móa ætlum að skella okkur í sund meðan sólin skín. Frænkur okkar, systurnar Bjarnheiður og Líney Halla eiga afmæli í dag eins og gjarnan á þessum fyrsta sumardegi. Til hamingju með það!

Vor í lofti

Friðsamleg mótmæli

Það gefur aldrei góða raun að kasta steinum. Ég mæli með friðsamlegum mótmælum. Það eru sem betur fer mörg dæmi um það að friðsöm mótmæli skili árangri. En því miður eru einnig mörg dæmi um að friðsamleg mótmæli eru barin niður af lögreglu og her. En þeir sem mótmæla með friðsömum hætti standa uppi sem sigurvegarar. Ofbeldi leysir aldrei vandmálin. Borgaraleg óhlýðni er sjálfsögð og gott er að fólk er að vakna af dvala og lætur ekki stjórnvöld vaða alltaf yfir sig. En friðsamleg mótmæli eru líklegri til að ná árangri.

Lögreglumaður á slysadeild