Illvirkjun Power

Sjálfstæðismenn eru komnir í hring. Fyrir nokkrum mánuðum sögðu þeir að ríkisfyrirtæki ættu ekki að vera í áhættufjárfestingum en nú er stofnað "félag" út frá hinu rómaða ríkisfyrirtæki Landsvirkjun sem hefur einmitt þetta markmið. Sjá ekki allir að þetta er fyrsta skrefið í því að einkavinavæða Landsvirkjun? Best að fara inn um bakdyrnar á skítugum skónum fyrst að ekki tókst að vaða inn beint um aðalinnganginn! Auðvitað finnst Geir H. Haarde ekkert athugavert við þetta, þó það nú væri.

Ekkert athugavert við félag

Gott að losna við herinn - losum okkur einnig við spillinguna

Atli Gíslason á heiður skilinn fyrir að benda á spillinguna sem viðgengst með fasteignabrask upp á Velli. Geir H. Haarde stingur hinsvegar hausnum í sandinn og vill ekki sjá að þar grasserar spillingin sem aldrei fyrr. Það á að fá allt upp á borðið og talið um "viðskiptahagsmuni" og að þess vegna megi ekki segja frá neinu á ekki að líðast.

Það var mikil landhreinsun að losna við herinn. Vinstri græn og hernaðarandstæðingar höfðu lengi bent á það að atvinnulíf á Reykjanesi myndi blómstra þegar herinn hyrfi á brott. Hernaðarsinnar héldu öðru fram og reynast nú hafa rangt fyrir sér. Það er gott

Það er hinsvegar synd að það góða uppbyggingarstarf þurfi að líða fyrir spillingu innan Sjálfstæðisflokksins og einkavinavæðinguna þar á bæ. Burt með spillinguna.

Fleiri störf en hjá varnarliði