Fylgi Sjálfstæðisflokks hrynur niður í 32%

 

Skoðanakannanir eru afar vinsælar um þessar mundir og könnunin á síðunni minni er alveg að verða marktæk sýnist mér. Það hafa 544 svarað. Og það eru heldur betur hreyfingar á fylginu. Síðast gaf ég skýrslu um stöðuna í bloggfærslu þann 4. janúar svo það er kominn tími til að segja frá nýustu þróun í fylgi flokkanna. Aðalfréttin er að fylgi Sjálfstæðisflokks fer úr 37% niður í 32%, semsagt fylgishrun. Samfylkingin mjakast upp í 13%, Framsókn áfram í 12% og Frjálslyndir bæta aðeins við sig og eru komnir í 5%. Vinsrihreyfingin grænt framboð hækkar aftur upp í 30%. Ég yrði sáttur við þessar niðurstöður í vor! Hér er svo þróunin frá upphafi:

Framsókn               13% - 11% - 12% og núna 12%
Sjálfstæðisflokkur    40% - 41% - 37% og núna 32%
Frjálslyndir              2% - 3% - 3% og núna 5%
Samfylkingin           8% - 10% - 12% og núna 13%
Vinstri græn            30% - 29% - 28% og núna 30%
Annað                     0%
Skila auðu               2% - 3% - 3% og núna 3%
Vita ekki enn           5% - 4% - 4% og núna 5%

Það er svo afgerandi meirihluti fyrir því að stækka hvorki né byggja fleiri álver í landinu (59%) og enn fleiri vilja láta taka okkur af lista hinna viljugu ríkja (66%). Ég held að það sé upp til hópa skynsemisfólk sem les síðuna mína og tekur þátt í þessum könnunum!

Teikningin er auðvitað eftir bloggvin minn Halldór Baldursson á Blaðinu.

Framboðslisti Sjálfstæðisflokksins í Suðurkjördæmi samþykktur

Athugasemdir

[Jón Valur Jensson, 22.1.2007 kl. 12:43]

Nei, Hlynur minn, skoðanakönnun eins og þessi á síðunni þinni, hvort sem hún er hér eða t.d. hjá Samfylkingar- eða Framsóknarmanni, getur ekki verið jafn-marktæk og Capacent-kannanir eða nýbirt könnun í Fréttablaðinu. Gestir þínir (eins og margra annarra, sem eru í pólitíkinni og jafnframt á Moggablogginu) eru, sem gefur að skilja, mjög margir úr ykkar eigin flokkum. Það eitt skekkir strax myndina.

[Hlynur Hallsson, 22.1.2007 kl. 17:30]

Ég veit að hún er ekki alveg 100% marktæk, hehehe.. en það væri samt gaman. Bestu kveðjur,

[Jórunn Sigurbergsdóttir , 22.1.2007 kl. 18:58]

Vildi bara segja að myndin er frábær.

[Júlíus Garðar Júlíusson, 22.1.2007 kl. 22:52]

Eins og þú sagðir Hlynur, þá er best að vera bjartsýnn, hvort sem um  er að ræða handbolta eða stjórnmál og þá gerast hlutirnir,