Afdráttarlaus yfirlýsing

Það er gott að Steingrímur J. Sigfússon tekur af allan vafa um samstarf við aðra flokka. Steingrímur fullyrðir ekkert um Frjálslyndaflokkinn en segir einfaldlega: "...að ef svo dapurlega eigi eftir að fara í íslenskum stjórnmálum að þar gangi fram flokkur sem beinlínis geri út á andúð í garð fólks af erlendum uppruna og daðri við kynþáttaaðgreiningarhyggju þá sé samstarf fyrirfram útilokað við slíka flokka."
Þetta eru skýr skilaboð og vonandi þarf ekki til þess að koma því vonandi sjá Frjálslyndir ljósið í þessum málum. Annars eru niðurstöður könnunar Gallup á fylgi flokkanna athyglisverðar. Frjálslyndir lækka miðað við síðustu könnun og Samfylking og Sjalfstæðisflokkur einnig en Vinstri græn halda áfram að bæta við sig. Nú þarf Samfó bara að spýta í lófana og höfða til miðjufólksins sem segist ætla að kjósa Sjálfstæðisflokkinn.

Steingrímur: Fyrirfram útilokað samstarf við flokka sem gera út á andúð í garð útlendinga

Athugasemdir

[Snorri Bergz, 2.2.2007 kl. 10:56]

Sælir. Til hamingju með góða útkomu í kosningunum. Vona ég að þið komið Lilju inn, helst á kostnað annarra en "minna manna"!  Ég er svo sammála Steingrími, "fjórflokkarnir" verða nú bara að standa saman í því, að kasta Framfaraflokknum út á haug og hafa sem minnst saman við hann að sælda. Bk

[Lára Stefánsdóttir, 2.2.2007 kl. 12:22]

Fín frammistaða, jeps við spýtum í lófana og tökum á þessu;-)

[Magnús Helgi Björgvinsson, 2.2.2007 kl. 13:53]

Hlynur bara að kvitta fyrir að ég er hjartanlega sammála þér í þessu máli. Nú er kominn tími á hér taki við stjórn velferðar- og umhverfismála.

[Óskar Helgi Helgason (IP-tala skráð) 2.2.2007 kl. 14:00]

Komið þið sæl !

Lítið á umfjöllun mína, á spjallsíðu þess ágæta drengs; Magnúsar Helga Björgvinssonar ! Eins og þið munið komazt að raun um, fer ég ekki með neinum '' já, alveg sjálfsagt'' tón þar um útlendinga, án athugasemda, eins og lenzka er hér til, Íslendingar eru alltof ódrjúgir; að koma eigin skoðunum á framfæri, þægilegast að vera sammála næsta manni. Hvað helvítis glóra er í því, til lengdar, krakkar mínir ?

Með beztu kveðjum /

Óskar Helgi

     

[Jón Kr. Arnarson (IP-tala skráð) 2.2.2007 kl. 16:55]

Ég er búinn að bíða lengi eftir svona yfirlýsingu frá Steingrími.  Þó er ég með eina athugasemd en það er þegar Steingrímur segir; ef svo dapurlega eigi eftir að fara í íslenskum stjórnmálum....

Það er þetta "eigi eftir" sem ég skil ekki alveg.  Þetta er orðin hlutur.  Frjálslyndir eru þegar orðinn slíkur flokkur.  Ég ætla því að vona að kaffibandalagið sé úr sögunni.

Annars er ég sammála félaga Hlyni eins og svo oft áður.  Vonandi eiga vinstri öflin eftir að vinna enn frekar á fyrir kosningar.