Brjálæðislegar skuldir og viðskiptahalli

Skuldir fólks (ekki fyrirtækja) við bankana, námu í lok janúar 2007 hvorki meira né minna en 716 milljörðum króna samkvæmt gögnum sem Seðlabankinn sendi frá sér í gær. Þetta er skelfilega há upphæð og yfirdráttarlán eru 72 milljarðar og hækkuðu um tæplega 5 milljarða á einum mánuði! Yfirdráttarlánin hafa ekki verið hærri frá því í lok febrúar í fyrra. En þetta er ekki allt því heildarskuldir heimilanna við lánakerfið allt námu í lok september á síðasta ári 1.270 milljörðum króna.
Eignastaðan hefur að vísu batnað að mati Glitnis, sennilaga aðallega í steypu og bílum!
Við þetta bætist að ríkisstjórnin hefur sett nýtt met í viðskiptahalla sem er orðinn sá mesti frá stofnun lýðveldis á Íslandi. Og svo tala þessir ráðherrar og fylgifiskar um "ábyrga fjármálastjórn" þegar allir sjá að þetta er met í klúðri. Auk þess eykst misskipting á Íslandi meira en í nokkru öðru landi Evrópu. Hverjir þurfa að taka sér frí frá ríkisstjórn?

Skuldir heimilanna 716 milljarðar króna

Athugasemdir

[Jóhanna Fríða Dalkvist, 22.2.2007 kl. 13:51]

svo ofan á allt saman eru Sparisjóðirnir að skila 9 milljarða króna hagnaði sem er methagnaður og það eru stofnanir sem áttu að standa fyrir allt annað en að hámarka hagnað sinn.

[Júlíus Garðar Júlíusson, 22.2.2007 kl. 14:41]

Ágætu bloggarar - Hugum að þessu HÉR í kvöld