Umhverfismál á landsfundi Vinstri grænna

 

72,8% aðspurðra í könnun Capacent sem gerð var fyrir Náttúruverndarsamtök Íslands vilja að stjórnmálaflokkarnir leggi meiri áherslu á náttúruvernd og umhverfismál. 22,6% telja að flokkarnir leggi hæfilega áherslu á þennan málaflokk og aðeins 4,6% svöruðu því til að flokkarnir ættu að leggja minni áherslu á málaflokkinn. Það er athyglisvert að kjósendur Vinstri græna vilja að flokkarnir leggi enn meiri áherslu á umhverfismál en þeir sem ætla að kjósa Frjálslynda finnst of mikil áhersla vera lögð á þessi mál. Annars er hægt að ná í þessa könnun í pdf formi á heimsaíðu Náttúruverndarsamtakanna.

Fimmti reglulegi Landsfundur Vinstrihreyfingarinnar - græns framboðs hefst svo í dag og stendur til sunnudags á Grand hóteli í Reykjavík.Yyfirskriftinni landsfundarins er Allt annað líf! og þar verður auðvitað mikið rætt um umherfismál en einnig fjölmörg önnur mál. Hér er dagskráin í dag en annars má ná í alla dagskrána hér og svo drög að samþykktum fundarins hér. Þetta verður skemmtileg helgi einnig með Vetrarhátið.

Dagskráin er svohljóðandi:
 
Föstudagur 23. febrúar
15:30    Fundargögn afhent
16:30    Setningarathöfn
18:00    Kvöldverðarhlé
19:30    Starfsmenn fundarins kosnir og kjörbréf samþykkt
            Málefnahópar skipaðir
            Drög að ályktunum kynnt
            Lagabreytingar – fyrri umræða
21:00    Almennar stjórnmálaumræður

Álaugardag byrjar dagskráin svo snemma eða klukkan 8:00 með morgunverðarfundum og meðal þess sem er á dagskrá er klukkan 15:00    Kosning formanns, varaformanns, ritara, gjaldkera og annarra stjórnarmanna og klukkan 16:00    Málefnahópar taka til starfa: Heilbrigðismál, Landbúnaðarmál, Atvinnumál, Umhverfismál, Innflytjendur og aðlögun, Utanríkis- og Evrópumál, Lagahópur, Ályktanahópur, Velferðar- fjölskyldu-, og öldrunarmál.

Vilja meiri áherslu á umhverfismál

Athugasemdir

[Kleópatra Mjöll Guðmundsdóttir (IP-tala skráð) 23.2.2007 kl. 14:36]

auðvitað á að leggja meiri áheyslu á umhverfisvernd

[Hlynur Þór Magnússon, 24.2.2007 kl. 06:06]

Vinstri grænir standa hjarta mínu nærri. Ég hef sett - og set enn - traust mitt á þá varðandi umhverfisvernd og fleiri mál sem ég ber fyrir brjósti, leyfi ég mér að segja. Einmitt þess vegna var það mér áfall, mikið áfall, að sjá hvernig fór í eina sveitarfélaginu þar sem þeir stóðu að myndun meirihluta eftir sveitarstjórnarkosningarnar á síðasta ári. Í Mosfellssveitinni, þar sem ég er fæddur og uppalinn, þar sem ég gekk í skóla á Brúarlandi, nokkur hundruð metra frá Álafossi. Og það sem kannski verra er: Ég hef hvergi séð viðbrögð forsvarsmanna vinstri grænna á þá leið, að hér kunni einfaldlega að hafa verið um mistök eða klaufaskap eins manns að ræða en ekki vilja flokksins. Ég vona að þetta sem ég set hér fram skiljist ...