Framfarir í jafnréttismálum

Það er ekki á hverjum degi sem maður getur hrósað ráðherrum ríkisstjórnarinnar og þegar tilefni gefst er alveg sjálfsagt að gera það. Þetta lagafrumvarp nefndar um jafna stöðu og jafnan rétt kvenna og karla sem var kynnt í dag er stórt skref í rétta átt til jafnréttis og margt úr því er tekið beint upp úr frumvörpum Vinstri grænna á síðustu þingum. Afnemum launaleynd og eflum Jafnréttisstofu. Vonandi verður þetta frumvarp sem fyrst að lögum. Í frétt mbl.is segir meðal annars:

"Helstu nýmæli frumvarpsins eru þau að lagt er til að Jafnréttisstofa fái heimild til að krefja opinberar stofnanir, sveitarfélög, atvinnurekendur og félagasamtök um allar upplýsingar sem nauðsynlegar eru vegna verkefna hennar og athugunar á einstökum málum. Verði upplýsingar ekki veittar er lagt til að heimilt sé að leggja á dagsektir. Ráðherra setur nánari ákvæði um sektargreiðslur í reglugerð. Þá er lagt er til að kærunefnd fái heimild til að kveða upp bindandi úrskurði."

Lagafrumvarp nefndar um jafna stöðu og rétt kvenna og karla kynnt

Athugasemdir

[gufa, 7.3.2007 kl. 20:34]

Heldur þú að snúður og snælda séu í raun jafnréttissinnar ? Hversvegna er kona ekki formaður VG ? Varð VG ekki til þegar hann tapaði fyrir konu ? Hversvegna er kona ekki formaður BSRB ?

[Jórunn Sigurbergsdóttir , 7.3.2007 kl. 21:01]

Kvitt fyrir lesturinn.

[Anna Benkovic Mikaelsdóttir, 7.3.2007 kl. 22:59]

Þetta er sögulegt!

[Alma Lísa Jóhannsdóttir, 8.3.2007 kl. 00:09]

já það á alltaf að fagna því þegar eitthvað gott gerist! kv alma

[Pétur Björgvin, 8.3.2007 kl. 08:45]

Er þetta ekki bara rökrétt framhald af því að búið að innleiða hjá EES tilskipun frá Evrópusambandinu sem áréttar jafna stöðu kvenna og karla og því þarf að setja hana í lagasamhengi 2002/73/EB