Biðlistana burt og málum bæinn bleikan

Könnunin á áhrifum biðlista á eldra fólk er þarft innlegg í umræðuna um stöðu aldraðra og kemur ekki á óvart. Að hverju er Samfylkingin hætt að hrópa "biðlistana burt"? Og var Ingibjörg Sólrún ekki strax farin að draga í land með að útrýma biðlistum og farin að halda því fram að það verði alltaf til biðlistar? En er ekki allavega málið að stytta þá eins og kostur er eða á að halda áfram að búa til fleiri sjúklinga með þessum bilistum? Steinunn Arna Þorsteinsdóttir og Díana Dröfn Heiðarsdóttir eiga þakkir skildar fyrir að vekja áthygli á tengslum þunglyndis og biðlist. Nú þarf bara að vinna í málunum en ekki yppta öxlum. 

Til hamingju með daginn konur og karlar. Ég ætla að fá lánaðan bleik/hvítan arabaklút sem Lóa Aðalheiður skilur helst ekki við sig. Hún á nóg af bleikum flíkum en ég ekki. Þá get ég sagt fólki hér í Berlín að það sé hátíðisdagur á Fróni og allir í bleiku. 

Aldraðir á biðlistum þjást af þunglyndi og kvíða

Athugasemdir

[Jens Guð, 19.6.2007 kl. 23:08]

  Hlynur, það er alltaf gaman að lesa bloggið þitt.  Áhugaverðar færslur og vel skrifaðar.  En núna skaltu taka annað n-ið af orðinu bleikan og eyða síðan þessari athugasemd minni.  Það eru aldrei tvö n í enda lýsingarorðs sem endar á an.    

[Hlynur Hallsson, 20.6.2007 kl. 07:38]

Takk fyrir leiðréttinguna Jens. Ég er nú ekkert að þurrka þessa færslu þína út enda kann ég það varla. Ég hvet bara alla til að taka þátt í könnuninni á síðunni þinni. Sjálfur átti ég mjög erfitt með að gera upp á milli þriggja hljómsveita. Bestu kveðjur,