Bömmer fyrir Repúblikana

Michael R. Bloomberg, borgarstjóri í New York, sagði sig úr Repúblikanaflokknum í gær til að bjóða sig fram sem óháður fulltrúi í forsetakosningunum á næsta ári. Bloomberg er fullkominn tækifærissinni því árið 2000 sagði hann sig úr Demókrataflokknum til að vera fulltrúi Repúblikana í borgarstjórakosningunum í New York. Þetta er mikill bömmer fyrir Repúblikana því það er augljóst að hann mun aðallega taka atkvæði frá forsetaframbjóðenda þeirra. Þetta eykur því líkurnar á því að Hillary Clinton eða Barak Obama verði forseti. Michael Moore sagðist í viðtali ennþá vona að Al Gore verði frambjóðandi Demókrata en það þykir flestum ósennilegt. En þetta skref Bloombergs eykur líkurnar á því að það séu skárri tímar framundan í BNA og var kominn tími til eftir hið svarta Bush tímabil.

Bloomberg segir sig úr Repúblikanaflokknum

Athugasemdir

[Róbert Björnsson, 20.6.2007 kl. 17:51]

Alltaf fagnaðarefni þegar Repúblikönum fækkar, þó ekki sé nema um einn í einu.  Það verður fróðlegt að fylgjast með því hvort eitthvað rætist úr framboði borgarstjórans.  Maður efast um að slíkt framboð hefði mikil áhrif á kosningarnar, nema kannski í NY fylki.  Þó er aldrei hægt að útiloka svona óháða billjónera frá því að gera einhverjar gloríur, eins og Ross Perot sannaði ´92. 

Annars eru nú bara 579 dagar, 10 klukkustundir og 10 mínútur þangað til Brúskur lætur af embætti.  Það hljómar reyndar eins og heil eilífð.

[Berglind Steinsdóttir, 20.6.2007 kl. 23:15]

Ég skil ekki hvernig maður heldur trúverðugleika með því að segja sig úr flokki til þess að vera óháður í framboði. Kastar hann skoðunum sínum í leiðinni, hugsjónum, baráttumálum?

Ég skil þetta ekki þótt ég skilji og samþykki að menn geti skipt um skoðun.

[Anna Ólafsdóttir Björnsson, 20.6.2007 kl. 23:17]

Mér líst vel á stjórnmálaskýringuna þína. Vona að þú hafir rétt fyrir þér.

[Marinó Már Marinósson, 20.6.2007 kl. 23:34]

Sammála Önnu hér að ofan.  Gæti orðið mjög spennandi að sjá konu í embætti forseta BNA.