Svandís Svavarsdóttir ver hagsmuni kjósenda

Þetta REI mál er að verða það skelfilegasta fyrir meirihlutann í borginni. Vilhjálmur þorir ekki að mæta Svandísi Svavarsdóttur í sjónvarpinu enda er hann í djúpum skít. Björn Ingi stakk af til Kína með fyrsta flugi og nennir ekki lengur að tala í síma (allavega ekki við fjölmiðla). Það er Svandís Svavarsdóttir fulltrúi Vinstri grænna sem hefur staðið sig eins og hetja í því að verja hagsmuni Reykvíkinga. Hún var bæði í Kastljósinu og á Stöð 2 og í fjölda útvarpsviðtala í allan dag og flettir ofan spillingunni, æðibunuganginum, einkavinavæðingunni og meðferð íhaldsins og framsóknarleppanna í þessu máli. Hvar er Gísli Marteinn? Svandís tekur þá alla á beinið í þessum viðtölum sem sjá má hér á tenglunum. Áfram svona Svandís!

 

Fá að kaupa hlut í REI fyrir 10 milljónir

Athugasemdir

[GústaSig, 5.10.2007 kl. 02:11]

Hún var flott hún Svandís eins og alltaf. Málefnaleg og flott kona og kemur sínu vel til skila!!

[Þórir Kjartansson, 5.10.2007 kl. 08:32]

Svandís er lang efnilegasti framtíðarleiðtogi Vinstri Grænna. (Vona samt að Steingrímur fari ekkert að hætta strax)

[Gunnhildur Hauksdóttir, 5.10.2007 kl. 12:14]

Já, úff, þetta er alveg ótrúlega vandræðalegt. Hún er frábær að draga þetta uppá yfirborðið.

[María Kristjánsdóttir, 5.10.2007 kl. 13:12]

Hún er glæsileg!

[Vilhjálmur Andri Kjartansson (IP-tala skráð) 5.10.2007 kl. 16:14]

Ég er bara ekki sammála að hún hafi eitthvað réttmætt að segja í þessari umræðu. Eina sem hún hefur gert er að tuða um lögmæti fundarins og vitnar í stjórnsýslulög máli sínu til stuðnings. Það má þá geta þess að stjórnsýslu lög eiga ekki að ná til hlutafélaga og seta hennar sem borgarfulltrúa breitir því ekki.  Málið snýst fyrst og fremst um rekstur OR en það hefur gleymst því Svandís vill ekki ræða það mál, það er ekki pólitíkst gott fyrir hana né flokk hennar.

Værum við  að  ræða þetta ef  einkaaðilar ættu OR?  Þetta er mjög einfalt meirihluti eiganda fyrirtækisins vildi gera þetta og þar við situr. Við getum verið ósammála stefnu fyrirtækisins en meðan við eigum ekkert í því er það varla okkar að skipta okkur af rekstri þess.

[Hlynur Hallsson, 5.10.2007 kl. 16:45]

Það er greinilegt að Vilhjálmur Andri hefur ekki hlustað á Svandísi eða að hann heyrir bara það sem hann vill heyra. En nú er tækifæri til að horfa aftur á viðtölin við hana! Svandís hefur gert margar athugasemdir við einkavinavæðinguna í sambandi við REI (allt karlar reyndar) og leyndina og mismununina hver fær að kaupa á hvaða verði o.s.frv. Sem betur fer er OR í eigu almennings og fulltrúar í stjórn eru fulltrúar íbúa þeirra byggðalaga sem eiga Orkuveituna. Malflutningur Vilhjálms A. en næstum eins vandræðalegur og nafna hans. Bestu kveðjur,

[Vilhjálmur Andri Kjartansson (IP-tala skráð) 5.10.2007 kl. 17:17]

Hlynur ég hef heyrt það sem svandís sagði og náði hverju orði. Málflutningur hennar snýst fyrst og fremst um lögmæti ákvörðunartökunar en hún tekur littla sem enga afstöðu til hennar efnislega. Hvaða athugsemdir hefur Svandís gert við þessa sameiningu aðrar en þá að hún brá skjótt að? Engar.

Allt tal um þarna séu bara karlmenn er lítið annað en tuð og hefur ekkert með málefnalega umræðu að gera. OR er heldur ekki í almeningseigu þó stjórn fyrirtækisins sé ákveðin að lýðræðislega kosnum fulltrúum. Baugur eða önnur einkafyrirtæki get boðið almenninga að kjósa fulltrúa í stjórn fyrirtækis síns en það myndi ekki færa eignaraðild  yfir til almennings.

Þetta mál snýst um rekstur OR og það viljið þið vinstrimenn ekki ræða. Á að reka fyrirtækið eins og flest önnur fyrirtæki þ.e. með því markmiði að auka verðmætasköpun þess og stuðla  þannig að frekari framförum eða eiga önnur sjónarmið að ráða. Hvernig sem menn telja best að reka fyrirtækið þá hafa eigendur þess ákveðið að reka það með þeim hætti sem gert er í dag og við það situr.  Reykvíkingar kusu þann meirihlut sem nú ræður fyrirtækinu og sama hvað svandís segir þá er þetta þeirra vilji.

[Kári Harðarson, 5.10.2007 kl. 20:02]

Nixon var líka lýðræðislega kjörinn.

Ég held ekki að málið snúist um rekstur OR, það má ræða rekstrarformið.

Hins vegar er skítalykt af framkvæmd sölunnar og það er skítalyktin sem málið  snýst um.  Ég vona að Sjálfstæðisflokkurinn eigi frumkvæði að því að gera hreint.  Samt er ég ekki annálaður vinstrimaður. 

Áfram Svandís!

[þorvaldur Hermannsson, 5.10.2007 kl. 20:23]

Ég stið Svandísi heilshugar áfram Svandís

[Þórir Kjartansson, 5.10.2007 kl. 20:46]

Þú hefur væntanlega heyrt og séð kvöldfréttirnar Vilhjálmur Andri. Þar kom nú skýrt fram að þessi málatilbúnaður er líklega fæstum borgarfulltrúum Sjálfstæðismanna að skapi. Svo Svandís er nú ekki ein á báti með þessar skoðanir.

[Vilhjálmur Andri Kjartansson (IP-tala skráð) 5.10.2007 kl. 21:16]

Það vill svo vel til að ég hef séð fréttir af þessu máli og einu athugasemdir sem komið hafa fram varða ákvörðunartöku ferlið ekki ákvörðunina sjálfa. Umræðan er ansi fátækleg ef það eina sem menn geta sett út á er ferlið sem farið var við ákvörðunartökuna. 

Hvernig væri að ræða efnislega um OR og framtíð hennar s.s. sala hennar og einkavæðingu víðar í orkugeiranum. Svandís klárlega treystir sér ekki í þá umræðu enda ekki stjórnmála maður að þeim kaliber að geta tekið flóknari umræðuefni en slagorðapólitík. 

[Kári Harðarson, 5.10.2007 kl. 22:07]

Ósammála.  Ferlið skiptir mjög miklu máli.  Það er ekki fátækleg umræða að gagnrýna ferlið.

Hvernig hefði verið að ræða efnislega um framtíð OR fyrir ákvörðunina?

Svandís treystir sér ekki í þá umræðu en það gerði Villi bersýnilega ekki heldur annars hefði hann reifað málið fyrir opnum tjöldum.

[Hlynur Hallsson, 5.10.2007 kl. 23:29]

Svandís treystir sér vel í umræðuna um einkavæðingu fyrirtækja sem eiga að vera í almannaeigu. Vinstri græn hafa einmitt lagt áherslu á að farið verði í athugun á meintum ávinningi af einkavæðingu allra hluta samanber ályktun flokksráðsfundar VG: http://vg.is/frettir/eldri-frettir/nr/2929 frá því í lok ágúst. Ögmundur Jónasson hefur einnig verið duglegur að skrifa um rekstrarform orkufyrirtækja, t.d. OR, Hitaveitu Suðurnesja. Ég bendi mönnum á að lesa heimasíðuna hans: http://ogmundur.is.  Vinstri græn hafa sýnt að þau þora, vilja og geta leitt umræðuna um rekstarform orkufyrirtækja og auðlindirnar. Hver ættiannars að gera það? Samfó, framsókn eða íhaldið!? Það eru til vel rekin orkufyrirtæki í almannaeigusaman ber Norðurorku á Akureyri. Bestu kveðjur,

[Hlynur Hallsson, 5.10.2007 kl. 23:34]

Það er eitthvert vesen á þessu athugasemdakerfi. Þegar ég set inn tengla birtist aðeins hluti textans en hitt hverfur og nú get ég ekki leiðrétt eða falið athugasemdirnar mínar sem komu aðeins hálfar, síðan opnast ekki. Vonandi kemst þetta fljótlega í lag á mogga. Bestu kveðjur,

[Vilhjálmur Andri Kjartansson (IP-tala skráð) 6.10.2007 kl. 00:01]

Já þetta kemur fyrir ef tenglinum er ekki gefið nafn þegar hann er settur inn.  

Svandís ætti þá að einbeita sér að því að fjalla um það sem skiptir máli í þessari umræðu og hætta að tuða um hvort þarna eru konur eða karlar og hvenar fundurinn var haldinn. Umræðan um sölu orkuveitunar þ.e. hvenar og hverjum á að selja hana þarf að fara fljótlega fram. Fyrirtækið getur ekki starfað undir pólitískum dutlungum þess meirihluta sem er hverju sinni í Rvk. 

Svandís verður að svara því hvort hún vilji fara í útrás og nýta þá þekkingu og auð sem er innan OR eða ekki. Þetta snýst bara um það hvort við eigum að nýta þetta tækifæri eða ekki og þá hvernig. Það má alveg setja út á fundarhald og annað en það er algjör tiltlingskýstur í þessar umræðu, þú afsakar orðalagið vondandi. 

Til að vg geti talist marktækir í umræðu um sölu á orkufyrirtækjum verða þeir að skilgreina hugtök eins og almenningseign. Hvar liggur eignarétturinn, hver fer með ráðstöfun eigna í almenningseign, er hægt að tala um almenningseign eða þjóðareign yfir höfuð? Hvað næst með því að hafa fyrirtæki í eign ríksi eða sveitafélaga?

Er einkafyrirtæki sem leyfir þjóðinni að kjósa í stjórn þess orðið að almenningseign?  Er siðferðislega verjandi að ríkið standi í rekstri fyrirtækja? 

[Jens Guð, 6.10.2007 kl. 00:04]

  Ég sá hvorki né heyrði umræðuna í Kastljósi eða á Stöð 2.  Hinsvegar hitti ég í dag góðan vin minn,  Steina sterka,  lögfræðing og sjálfstæðisflokksmann.  Hann dáðist að málfærslu Svandísar.  Og rakti fyrir mér hvað hún byggði málflutning sinn tæknilega flott upp.  Fyrst að Svandís heillaði Steina sterka þá er næsta víst að hún hefur farið á kostum.