Ríkisstjórnin á niðurleið

Minnsti stuðningur við ríkisstjórnina sem mælst hefur frá því hún var mynduð er staðreynd. Ég spái því að stuðningurinn haldi áfram að minnka. Stuðningurinn við stjórn Rasmussens í Danmörku fer einnig minnkandi og hann fer sennilega að sjá eftir því að hafa boðað til kosninga. Vonandi losna Danir við hann og stjórnina og kjósa þess í stað velferðarstjórn til vinstri. 

Dregur úr stuðningi við Rasmussen 

Fylgi við ríkisstjórnina minnkar

Athugasemdir

[Kjartan Pétur Sigurðsson, 2.11.2007 kl. 10:14]

Stuðningurinn var fínn á meðan ríkisstjórnin var í 109 daga sumarfríi frá því skömmu eftir kosningar. Svo það er ekki nema eðlilegt að vinsældirnar dali eitthvað þegar þetta fólk fer loksins að vinna vinnuna sína :)

[Guðmundur Björn, 2.11.2007 kl. 10:30]

Já, þú verður bara undarlegri!  Ætli við segjum ekki bara að 76% stuðningur, sé afdráttarlaus skilaboð um að þjóðin líki við ríkisstjórnina.

Þú þarft svo aðeins að kynna þér betur málin hér í Danmörku.  Jújú, Venstre er að dala en það eru sósíalistarnir líka sem betur fer, og kommarnir eru að hverfa af þingi. 

Hvað þýðir velferðarstjórn til vinstri? Mér hefur ekki ennþá tekist að fá þá vinstrimenn sem ég þekki, til að koma með haldbæra skilgreiningu á velferð.   

[Anton Þór Harðarson, 2.11.2007 kl. 12:15]

þú minnist ekkert á minkandi fylgi rauð grænu stjórnarinnar í noregi, og að vinstri flokkarnir hér eru næstum að hverfa eftir 2 ár í stjórn, þar sem hver skandallinn tekur við af öðrum, Kristin Halvorssen hefur mátt éta ofaní sig hvert kostningaloforðið af öðru, skattar á uppleið, þjónusta versnar, síðast í gær var í fréttum að loka ætti en einni sjúkrastofnun, þar sem ríkið hefði ekki efni á svona lúxus, týpísk vinstri stefna í framkvæmd

[Fannar frá Rifi, 2.11.2007 kl. 18:21]

Rasmussens hefur þó þann kjark að boða til kosninga til að fá úr málum skorið. Annað er ekki hægt að segja um kollega hans í Bretlandi sem er kjarklaus öllu.

[Hlynur Hallsson, 2.11.2007 kl. 23:43]

Sæll Fannar, ég held að það hafi nú ekki verið kjarkurinn sem fékk Anders Fogh til að boða til kosninga en hinsvegar er það örugglega rétt að það var kjarkleysi Gordons Brown sem kom í veg fyrir að hann boðaði til kosninga:) Guðmundur Björn hefur svo eitthvað misst af könnunum í Danmörku því Sósíalistarnir (SF) eru að tvöfalda fylgið miðað við síðustu kosningar og mælast nú með 11,7% en fengu 6,0% síðast. Hér er hægt að sjá þetta í lit. Það er rétt hjá Kjartani að fylgið hrynur af ríkisstjórninni þegar við fáum að sjá fyrir hvað hún stendur og hvað hún getur ekki gert. Það að Vinstri græn standa fyrir velferð þarf nú ekki að útskýra fyrir þeim sem loka augum og eyrum en fyrir alla aðra bendi ég á þetta hér. Bestu kveðjur,

[Sigurjón, 3.11.2007 kl. 01:29]

Það er engum blöðum um það að fletta að VG stendur fyrir fátt annað en afturhaldshyggju og stöðnun.  Sem betur fer komist þið aldrei til valda vegna þess að enginn vill vinna með svona nöldurseggjum.  Ég þekki a.m.k. tvær manneskjur sem voru vinstri grænar, en hafa algjörlega snúið baki við flokknum vegna einmitt þessa.

Svo er það furðulegt að hlakka yfir því að stjórn sem verið er að reyna að fella hafi yfir 76% fylgi á landsvísu... 

[Sigurjón, 3.11.2007 kl. 16:05]

Þorvaldur (sem kannt greinilega ekki að nota greinarmerki), til að svara spurningum þínum: Já.

Ef velferðarkerfið stendur þróun fyrir þrifum, er það afturhaldsafl.  Að stuðla að jöfnuði (kommúnismi) er líka slæmt, þegar einstaklingsframtakið nýtur sín ekki.

Hvað ,,íhaldið" (sem er löngu úrelt heiti á Sjálfstæðismönnum og ber vott um afturhaldssemi þeirra sem það nota) sagði (sem er harla furðulegt að heill flokkur geti sagt eitthvað; ekki einstaklingar hans) einu sinni, setur því engar skorður hvað framtíðina varðar.

[Geir Ágústsson, 4.11.2007 kl. 21:08]

Hlynur, þú getur þess kannski í leiðinni að sá flokkur sem er lengst til vinstri í DK er að þurrkast út af hinu pólitíska landskorti og drepur sennilega 1,6-1,8% af fylginu vinstramegin í leiðinni.

[Hlynur Hallsson, 6.11.2007 kl. 11:31]

Reyndar ekki Geir. Samkvæmt Gallup er Einingarlistinn kominn vel yfir lágmarkið og er aftur á uppleið. Vika til kosninga og þetta verður meira spennandi en nokkur bjóst við. Socialistisk Folkeparti er á blússandi siglingu og mælist nú með um 13%. Það ríkir því mikil bjartsýni á að vinstriflokkarnir nái meirihluta sem yrði mjög ánægjulegt. Bestu kveðjur,