Rafstuðbyssur verði bannaðar

Það eru óhugnanlegar fréttir sem berast úr fyrirmyndarlandinu Kanada: Maður lætur lífið eftir að lögreglan skýtur hann með rafstuðbyssu og 15 ára unglingur tekur atvikið upp á myndband. Í fréttinni á mbl.is segir svo:

"Frá árinu 2003 hafa 18 látist í Kanada eftir að hafa verið skotnir með rafstuðbyssum samkvæmt upplýsingum frá kanadíska ríkisútvarpinu. Byssurnar skjóta tveimur pílum út sem eru tengdar byssunni með tveimur þráðum. Sá sem fær pílurnar í sig fær um leið 50.000 volta rafstraum, en það er nægilega mikið magn til þess að lama manneskju um stundarsakir. Drægni vopnsins er um sex metrar."

Þetta eru viðbjóðsleg vopn. 18 manns liggja í valnum og það ætti að duga til að þessar byssur verði teknar úr notkun. Ég vorkenni aðstandendum mannsins sem var drepinn og einnig lögreglumanninum sem hefur mannslíf á samviskunni. Þetta er sorglegt. 

Kristín M. Jóhannsdóttir í Vancouver skrifar hér um málið.

Og hér er myndbandið 

Maður lést í Kanada þegar lögreglumenn skutu hann með rafstuðbyssu

Athugasemdir

[Jórunn Sigurbergsdóttir , 15.11.2007 kl. 12:05]

Þetta eru voðalegar fréttir.

[Alfreð Símonarson, 15.11.2007 kl. 12:44]

Flott grein, æðislegt að það sé komin umræða um þessi mál.

[Vilhjálmur Örn Vilhjálmsson, 15.11.2007 kl. 13:00]

Mér sýnist að maðurinn hafi verið drepinn vegna óþarfa hrottaskaps en ekki endilega vegna rafabyssunnar. Ekkert gerðist þarna, sem ekki var hægt að lenda með vinalegri framkomu eða smá sálfræði.

Auðvitað á að banna þetta vopn í siðmenntuðum löndum!

[Haukur Nikulásson, 15.11.2007 kl. 17:00]

Þetta er vissulega sorglegt. og rétt hjá Vilhjálmi að þarna var þörf á meiri þolinmæði og skilningi á því að menn geti misst geðsmuni sína á vondum stöðum. Starfsfólk á flugvöllum má vera alveg meðvitað um þann pirring sem getur myndast á þessum stöðum við bæði drykkju og oft ótrúlegt leiðinda hangs.

[Paul Nikolov, 15.11.2007 kl. 17:16]

Vandamál með rafstuðbyssur er sú að fólk er ekki nóg vel þjálfnað til að nota þeim. Í Bandaríkjunum jafnvel dyravörður og örrygisstarfsfólk notar þá, án þess að vera þjálfuð. Og með lögreglan, það er enginn almannastaðall fyrir rafstuðbyssanotkun - það er hvert lögreglustöð sem ákveða hvernig og hvenær að nota þá.

TIlgangurinn rafstuðbyssurs var upphaflega til að forðast þess að nota byssur, til að halda frið án þess að drepa einhvern eða að særa einhvern alvaralega. Því miður er það ekki alltaf þannig.

[Fríða Eyland, 15.11.2007 kl. 17:18]

Er eðlilegt að lögregla og eða öryggisverðir drepi fólk, óvart ? Ekki sé ég nokkuð annað en aumasta ofbeldi á þessum hrædda manni á myndbandinu. Höldum vöku okkar og mótmælum rafbyssuvæðingu hér heima og verum til fyrirmyndar...ekki raunarlegrar eftirmyndar heimskunnar

[Ingigerður Friðgeirsdóttir, 15.11.2007 kl. 17:59]

Eru þetta ekki byssurnar sem Björn Bjarnason vill að lögreglan hér fái að nota?????

[Hrafnhildur Ýr Vilbertsdóttir, 15.11.2007 kl. 19:02]

Þetta er ömurlegt mál... aumingja maðurinn.  Svo virðist lögreglan ekki einu sinni kunna nota tækið rétt og allra síst við réttlætanlegar aðstæður.

[Anna Benkovic Mikaelsdóttir, 15.11.2007 kl. 22:56]

langar svo mikið til að vita...Hvað gerist ef prestur missir trúna á Guð?  Lækkar hann í launaflokkum?

[Jón Þór Ólafsson, 16.11.2007 kl. 08:45]

Getið þið ímyndað ykkur íslensku sumarlögregluna með þessar stuðbyssur niður í miðbæ um helgar...það væri sjón að sjá...allir í stuði

[Jón Þór Ólafsson, 16.11.2007 kl. 10:36]

Hvað með táragas úða eða pipar úða Ragnar ?