Stofnum félag myndlistarfólks

Það hefur lengi staðið til að stofna félag myndlistarfólks hér á norðursvæðinu, nokkurskonar stéttarfélag myndlistarmanna sem berst fyrir okkar hagsmunum og beitir sér í viðkomandi málum. Við höfum nokkur verið að hittast frá því í sumar og rætt um þetta og nú er komið að því að halda formlegan fund. hér er auglýsingin og ég hvet allt myndlistarfólk til að mæta í Deigluna á morgun. Svo er opnun í BOXi í beinu framhaldi hinumegin við götuna.

Kynningarfundur að stofnun fagfélags myndlistarmanna á Norðurlandi verður haldinn laugardaginn 24. nóvember í Deiglunni, Listagili, Akureyri, kl 17:00. Kynntar verðar hugmyndir að félaginu og á fundinum verður valin undirbúningsnefnd til stofnunar félagsins.
Allt myndlistarfólk velkomið.
- Hvernig eflum við myndlist og menningu á Norðurlandi?
- Hvað á myndlistarfólk á Norðurlandi sameiginlegt?
- Hver eru hagsmunamál myndlistarmanna?
- Getum við haft meiri áhrif saman en í sitt hverju lagi?
- Hvað viljum við og hvað getum við gert?

Athugasemdir

[Ransu, 23.11.2007 kl. 09:47]

Frábært.  Mun hugsa til ykkar, senda jákvæða strauma.

[Ragga (IP-tala skráð) 23.11.2007 kl. 14:20]

Flott hjá ykkur! Gangi ykkur vel.

[Guðsteinn Haukur Barkarson, 23.11.2007 kl. 15:48]

Flott framtak kæri Hlynur ... vonandi verður vakning meðal myndlistarmanna vegna þessa félags ykkar á norðurlandi, ég á við að þið verðið einskonar fyrirmynd og stofnuð verði fleiri slík sambærileg félög víðar um landið. En ég sendi mínar árnaðaróskir með þetta félag ykkar !