Bankarnir finna leið til að smyrja á annað

Íslensku bankarnir sem hafa verið duglegir við að innheimta seðilgjöld, þjónustugjöld og aukagjöld ýmiskonar verða sennilega fljótir að finna leið til að smyrja á eitthvað annað svo neytendur þurfa alltaf að borga brúsann á endanum. Gamli allaballinn hann Björgvin viðskiptaráðherra fær samt prik fyrir að beita sér í þessu máli, já og banna seðilgjöldin illræmdu. Þetta uppgreiðslugjald er einnig glæpsamlegt og samkeppnishamlandi.

Íslenskir neytendur eru með þeim slöppustu í heimi og kominn tími til að við tökum okkur tak og gerum eitthvað í málunum, hættum að kaupa drasl sem verið er að okra á og skiptum um banka þegar okkur er nóg boðið. Ég fagna því til dæmis að þýskur sparisjóðabanki ætlar að bjóða upp á lán með lægri vöxtum hér á landi.

Það þarf að efla neytendavitund og stórefla neytendasamtökin svo þau virki hér eins og í öðrum löndum. Gott ef Björgvin Sigurðsson ætlar að fara í það.

Seðilgjöld heyri sögunni til

Athugasemdir

[Ísleifur Egill Hjaltason, 7.1.2008 kl. 13:10]

Ég get með stolti sagt að ég skipti nú um banka rétt fyrir áramót, fór frá Glitni og yfir í Spron.

Alveg ótrúlegt að á sama tíma og Glitnir græðir milljarðar á milljarða ofan lokar hann útibúinu í mínu hverfi vegna hagræðingar

[Gunnar Páll Gunnarsson, 7.1.2008 kl. 14:53]

Gott hjá þér Hlynur eins og alltaf. Að sjálfsögðu verða allir að þéna á því sem þeir gera, en það er munur á að þéna og okra. Fjármálaeftirlitið hérna í DK er með þeim hörðustu ríkisstofnunum hér á landi og þegar ég var yfirkokkur þar þá heyrði ég oft skammirnar í gegn um veggi sem DUNDU á þeim mönnum sem unnu í bönkum og fjármálafyrirtækjum og höfðu farið yfir strikið. Grey kallarnir sem taka átti fyrir biðu náfölir útá gangi eins og smástrákar sem áttu að koma fyrir skólastjóra.

Gunni Palli kokkur 

[Hallur Magnússon, 7.1.2008 kl. 17:07]

Íbúðalánasjóður tók af skarið hvað varðar niðurfellingu seðilgjalda nú um áramótin og heyrir seðilgjald Íbúðalánasjóðs nú sögunni til!

Sjá nánar á:

http://hallurmagg.blog.is/blog/hallurmagg/entry/408301/

Kveðja

Hallur Magnússon

[Guðrún Magnea Helgadóttir, 7.1.2008 kl. 21:35]

Ef Orkuveitan sendir þér reikning sem er orkunotkun og....+ seðilgjald... ? Hvað getur viðkomandi gert?- Greitt reikningin ásamt seðilgjaldinu? Eða mínusað seðilgjaldið og einungis greitt það sem þú skuldar skv. orkunotkun???

Seðilgjaldarukkun undanfarinna ára er ólögleglegur gjörningur og sjálftaka fyrirtækja á fé frá almenningi...!

[Haffi, 7.1.2008 kl. 23:17]

Tekjupóstar banka eru tveir, vaxtamismunur og þóknanir. Hynur viltu fá í staðinn meiri vaxtamun? Þannig er að flest bankastúss er hægt að gera í netbankanum, -frítt, samt kemur fólk enn í banka og kvartar yfir því að þurfa borga. Af hverju notfærir fólk sér ekki rafræna seðla og sleppur þá við að borga seðilgjöld.

[Hlynur Hallsson, 7.1.2008 kl. 23:35]

Takk fyrir fínar athugasemdir öll. Ég vil auðvitað ekki meiri vaxtamun, hvernig dettur þér það í hug "Haffi"? Vaxtamunurinn hér á landi er fáranlega mikill. En bankarnir redda sér ég hef ekki áhyggjur af þeim. Ég borga nær alla mína reikninga í netbanka en þarf samt að borga einhver gjöld, þau heita bara þjónustugjöld í stað seðilgjalda! Bestu kveðjur,